ҶАВОНОН
Шанбе 27 Феврал 2021 05:58
3886
Бахшида ба 25-умин солгарди таъсисёбии Қувваҳои Мусаллаҳи ҷумҳурӣ бо ташаббуси Кумитаи кор бо ҷавонон ва варзиши кишвар дар якҷоягӣ бо Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва телевизиони “Тоҷикистон” дар қисми ҳарбии 0123-и Қӯшунҳои сарҳадӣ чорабинии идона баргузор гардид.

Чорабиниро генерал-лейтенант Раҷабалӣ Раҳмоналӣ, фармондеҳи Қӯшунҳои сарҳадӣ ифтитоҳ бахшида иброз дошт, ки тамоми мардуми шарафманди ҷумҳурии азизамон санаи мубораку фархунда 25-умин солгарди таъсисёбии Қувваҳои Мусаллаҳи кишварро бо тантана таҷлил менамоянд. Тинҷию амонии давлат ва ҳастии миллат аз Қувваҳои Мусаллаҳ вобастагии зич дорад.

Пас аз суханронии хеш Раҷабалӣ Раҳмоналӣ ба якчанд нафар афсарон рутбаҳои ҳарбии навбатӣ, ифтихорнома ва туҳфаҳои хотиравӣ тақдим намуд.

Сипас, ба якчанд нафар афсарону сарбозон ва курсантон барои саҳми арзанда гузоштан дар татбиқи сиёсати давлатии ҷавонон ва иштироки фаъолона дар барномаи телевизионии “Садоқат” бахшида ба Рӯзи Қувваҳои Мусаллаҳи Ҷумҳурии Тоҷикистон сипосномаи Кумитаи кор бо ҷавонон ва варзиш ва туҳфаҳои хотиравӣ тақдим гардид.

Дар поёни чорабинӣ аз ҷониби ҳунармандону сарояндагони ҷавон барномаи консертии идона бо беҳтарин сурудҳои ватандӯстона пешкаши ҳозирин гардонида шуд.

Ёдовар мешавем, ки бо ибтикори Кумитаи кор бо ҷавонон ва варзиш чунин чорабиниҳо бахшида ба 25-солагии таъсисёбии Қувваҳои Мусаллаҳи кишвар дар дигар қисмҳои низомии ҳудуди ҷумҳурӣ идома доранд.



Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.