Муроҷитаномаи иштирокчиёни ҳамоиши ҷавонони шаҳри Душанбе, таҳти унвони “Ҷовидон бод, ҷавонӣ ва ҷавонон!”, дар доираи дастгириҳои раиси шаҳри Душанбе, муҳтарам Рустами Эмомалӣ

Бо камоли эҳтирому самимияти беандоза, аз номи кулли ҷавонони пойтахт миннатдориамонро ба Шумо, барои бар душ гирифтани сарпарастии “Соли ҷавонон”, ки нишонаи боварӣ ва қадршиносӣ ба мо - насли ҷавон, дар доираи ҳадафҳои эълон гардидани соли 2017 “Соли ҷавонон” мебошад, мерасонем.
Мо - ҷавонони саодатманди пойтахт, захираи стратегии давлат буда, ҳамчун нерӯи бузурги ақлонӣ, иҷтимоиву иқтисодӣ, сиёсати пешгирифтаи Шуморо, ки баҳри инкишоф ва пешрафти пойтахти азизамон шаҳри Душанбе равона гардидааст, дарк месозем ва дар амалӣ гардидани нақшаву иқдомҳои созанда саҳми худро мегузорем.

Бо пайравӣ аз сиёсати ҷавонпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ки тамоми тадбирҳои хешро ба хотири имрӯзу фардои мо - ҷавонон тарҳрезӣ намуда, боз як соли тақвимӣ барои расидан ба қуллаҳои мурод ихтисос дод, ки ин мужда ба ҳар яки мо илҳоми тоза бахшид, водорамон месозад, то дастаҷамъона барои ободиву созандагии кишвар софдилона заҳмат кашем.

Дар воқеъ, ҷавонон ба ҳайси нерӯи ояндасози Тоҷикистони соҳибистиқлол, дар меҳвари ғамхорӣ ва сиёсати пешгирифтаи Хукумати мамлакат қарор гирифта, паёмҳои ҳамасолаи Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз ташаббусу иқдомҳои созандаи онҳо ба хубӣ дарак медиҳад.

Имрӯз боиси ифтихори мо - ҷавонон аст, ки таҳияи Нақшаи чорабиниҳои мақомоти иҷроияи ҳокимияти давлатии шаҳри Душанбе вобаста ба “Соли ҷавонон” эълон гардидани соли 2017, қабули “Барномаи рушди иҷтимоии ҷавонон дар шаҳри Душанбе барои солҳои 2017-2018”, баргузор намудани мусобиқаҳои кушоди варзишии гӯштини миллӣ, пойгаи аспдавонӣ, волейбол дар байни бонувон ва теннис дар байни наврасону духтарон барои дарёфти Ҷоми “Пойтахт - 2017” бахшида ба Иди байналмилалии Наврӯз дар шаҳри Душанбе, баргузор намудани Ниммарафони VIII байналмилалии Душанбе ба муносибати Рӯзи пойтахт ва дастгири ёфтани ибтикороту ташаббусҳои ҷавонон аз ҷониби Шумо, муҳтарам Рустами Эмомалӣ, бори дигар собит намуд, ки ҷавонон дар меҳвари сиёсати Ҳукумати мамлакат мавқеи хоса касб намудаанд.

Дар ин лаҳзаҳои шодиву нишот мо - ҷавонони пойтахт, бори дигар изҳори минатдории бепоёни худро ба раиси шаҳри Душанбе, муҳтарам Рустами Эмомалӣ, барои ғамхориҳои беназир ва дастгириҳои пайвастаашон баён месозем.

Мусаллам аст, ки ҷавонон дар амалисозии ҳама гуна ташаббусҳои давлатӣ нақши пешсаф доранд. Ин навбат низ мо – ҷавонон метавонем, парчами ватандориву ибтикоротро дар роҳи расидан ба ҳадафҳои созанда партавфишон созем ва баҳри ояндаи дурахшон, ки масъулияти он бар души мо вогузор аст, саҳм гузорем.
Мо - насли ояндасози кишвар, дар ҷавоб ба ин ғамхориҳо кӯшиши худро барои он равон месозем, ки Ватани маҳбубамон - Тоҷикистони беназирро боз ҳам ободу зебо гардонем.

Мо Шуморо, Раиси муҳтарам, бовар мекунонем, ки дар ҳама лаҳзаҳо рисолати ҷавонмардии худро сарбаландона иҷро менамоем, бо донишу касбҳои замонавӣ мусаллаҳ мешавем, арзишҳои миллиро, ҳамчун пайравони асили Пешвои миллат, гиромӣ медорем ва баҳри муҳофизат ва амалӣ гардидани сиёсати хирадмандонаи Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон содиқона хизмат мекунем.

Ҳар як дастгирии Шумо, амалҳои созандаатон бароямон мояи ифтихор ва намунаи олии ибрат буда, меҳру муҳаббатамонро ба сиёсати ҷавонпараваронаи Пешвои миллат афзун мегардонад.

Дар ин лаҳзаҳои мутантан Шуморо ба Рӯзи Пойтахт табрик намуда, мо – ҷавонон, ваъда медиҳем, ки пайравони Пешвои муаззами миллат будем, ҳастем ва мемонем.