ҶАВОНОН
Чоршанбе 24 Апрел 2024 12:30
Президенти Уругвай – Хосе Мухикаро ҳамдиёронаш “Президенти нодортарини дунё” номидаанд. Мухика қариб ҳамаи музди моҳонаи президентиашро ба кору аъмоли хайр сарф мекунад, ки маҳз ҳамин амал ӯро ба президенти нодортарин ( ва ё саховатмандтарин) – и дунё табдил додааст.
ХАЙРУ ЭҲСОНКОРИИ БЕҲУДУД
Ӯ аз 12 500 доллари музди моҳонааш танҳо 1250 долларро бо худ мемонад. “Бароям ҳамин миқдор маблағ кифоя аст, - мегӯяд Мухика. – Бояд кифоя бошад, чунки даромади аксари ҳамватанони ман аз ин камтар аст”.
Ҳамсари ӯ низ як қисмати даромади моҳонаашро сарфи корҳои хайр мекунад. Онҳо дар Монтевидео дар хоначаи хоксоронае зиндагӣ мекунанд. Дороии арзишмандтарини Мухика дар тамоми давраи президентиаш як адад “Фолсваген Жук”-и куҳна мебошад, ки 1945 доллар арзиш дорад. Ӯ дар ягон бонк суратҳисоби хусусӣ ва қарз надорад. Ҷаласаҳои расмӣ ва ҳар гуна ҷашну маросимҳоро бад мебинад. Симои зоҳирии ӯ низ хеле хоксорона аст. Баъди ҳамсар ягона ҳамроҳу рафиқи мунисаш саги бовафояш – Мануэлла мебошад.
ҚОБИЛИЯТУ МАТОНАТИ ФАВҚУЛОДА
Хосе Мухика соли 1935 дар Монтевидео дар оилаи волидони сахтгир ба дунё омадааст. Дар синни ҷавонӣ ӯ шомили гурӯҳи партизании Тупамарос гардид. Аъзои ин гурӯҳи партизанӣ бонкҳо ва молу мулки одамонро ғорат карда, онҳоро ба мардуми камбағал медод. Хосе, ки пешвои ин гурӯҳ маҳсуб меёфт, дар ин муддат қобилияти фавқулодаи ташкилотчигӣ ва маҳорату малакаи роҳбариро аз худ намуд. Ӯ ҳини муборизаҳои мусаллаҳона алайҳи нерӯҳои амниятӣ шаш маротиба тир хӯрдаву захмин шуд. Оқибат дастгир шуда, ба муҳлати 14 сол (1973-1985) зиндонӣ гардид. Соли 1985 бо шикаст хӯрдани диктатураҳо ва барқарор гардидани демократияи конститутсионӣ тибқи қонуни авф Хосе Мухика ба озодӣ баромад. Ӯ ҳизберо таъсис дод, ки он сотсиалистҳо, коммунистҳо ва демократҳои насрониро муттаҳид месохт.
Соли 1994 вақте ӯ вакили парлумон интихоб гардид, ба назди бинои парлумон савори скутер (заврақчаи чӯбини варзишӣ) омад. Дарбон аз ӯ пурсид: “Шумо ба муддати зиёд ин ҷо омадаед?” Мухика дар ҷавоб гуфт: “Гумон мекунам, ки ба муддати зиёд”.
Соли 2009 Хосе Мухика аз ҷониби ҳизб ба ҳайси номзад ба мансаби президентӣ пешниҳод гардида, ба рақиби худ ғолиб омад ва моҳи марти соли 2010 Президенти Уругвай интихоб гардид.
“МАН ПРЕЗИДЕНТИ НОДОР НЕСТАМ”
Хосе ба андешаи нафароне, ки ӯро президенти нодортарини дунё меҳисобанд, розӣ нест. Ӯ таъкид мекунад, ки одамон моҳияти дороиро нодуруст мефаҳманд. “Ман президенти нодортарин нестам. Он нафаре шахси нодортарин аст, ки эҳтиёҷоти хеле зиёд дорад, - мегӯяд ӯ. – Тарзи ҳаёти ман ин натиҷаи захму ҷароҳатҳои ман аст. Ман писари таърихам. Қабл аз ҳама ман худро шахси хушбахттарини дунё меҳисобам, чун соҳиби болину бистари худ ҳастам”.
ҶАЗИРАИ ГУРЕЗАҲО ДАР ОЛАМИ ДЕВОНАҲО
Посбонии хонаи Хосе Мухикаро ду нафар муҳофиз, ки дар даромадгоҳ дохили мошине менишастанд ва саги бовафояш ба уҳда доштанд. Ӯ аз муҳаббати худ ба Ватану ба ҳамватанонаш бо як ҷаҳон эҳсоси ифтихормандӣ ҳарф мезанад ва ҳамеша барои ҳифзу ҳимояи онҳо омода буданашро изҳор медорад. Ӯ кишварашро кишвари озоду обод, бехатар ва орӣ аз ҳар гуна ҷинояту фасодкорӣ мешуморад. Ин аст, ки онро “ҷазираи гурезаҳо дар олами девонаҳо” номидааст.
Уругвай анъанаҳои хос дорад. Дар ин ҷо нархи маводи хӯрокворӣ, аз ҷумла шир хеле арзон буда, барои ҳар як кӯдак компютер ва таҳсил ба таври ройгон пешниҳод мегардад. Дар ин кишвар ба боло бурдани сатҳи иқтисодиёт аҳамияти хосса зоҳир карда мешавад. Соҳаҳои энергетика ва телекоммуникатсия миллӣ кунонида шудаанд. Уругвай дар масъалаи маҳдуд намудани истеъмоли тамоку дар ҷаҳон ҷои аввалро соҳиб аст.
Пул, захира ва вақтро набояд беҳуда сарф намуд
Соли 2005 дар Уругвай сатҳи камбизоатӣ аз 40 то 13 % поён рафт. “Чун ҳамарӯза талаботи одамон меафзояд, ман бояд барои қонеъ гардонидани онҳо ва муҳайё намудани ҷойҳои корӣ чораҳо андешам, - гуфта буд президент. - Ман зидди исрофкории беҳудаи пул, захира ва вақт мебошам. Мо бояд чизҳое офарем, ки муддати тӯлонӣ бароямон хизмат намоянд”.
Хосе Мухика аз рӯзи аввали ба мансаби президентӣ таъин гардиданаш таъкид намуда буд, ки барои рушд кардан тарзи ҳаёти одамонро бояд тағйир дод. Ӯ эълон намуд, ки бинои Ҳукумат паноҳгоҳи одамони бесаробону бесарпаноҳ хоҳад буд.
Қадами мантиқӣ
Иқдоми Мухика дар бораи қонуникунонии истеъмоли марихуана дар ҷаҳон эътироф гардид. “Гап сари он нест, ки мо бояд озоду ошкоро бошем. Балки ин қадами мантиқӣ аст. Мо мехоҳем, ки нашъамандон дигар аз хизматрасонии дилерҳои ғайриқонунӣ истифода накунанд”, - гуфта буд ӯ.
Мо ба дунё меоем, то хушбахт бошем
Мухика шахси некбину зиндадилест, чунки бовар дорад, ки замоне мерасаду дар олам шахси камбизоату нодор боқӣ намемонад. Ва маҳз он замон онҳо ба олам бо чашми дигар менигаранд. Президенти собиқ чунин меҳисобад, ки агар шахс аз рӯи раҳму шафқат аз ҳад зиёд ба манфиати дигарон заҳмат кашад, барои хушбахт будан вақт намеёбад.
Мо ба дунё на танҳо барои он меоем, ки калон шуда, тағйир ёбем ва атрофиёнро тағйир бидиҳем. Мо ба дунё барои он меоем, ки хушбахт бошем. Чунки ҳаёт зудгузар асту ягон неъмати моддӣ арзиши ҳаёти инсонро надорад.
ХАЙРУ ЭҲСОНКОРИИ БЕҲУДУД
Ӯ аз 12 500 доллари музди моҳонааш танҳо 1250 долларро бо худ мемонад. “Бароям ҳамин миқдор маблағ кифоя аст, - мегӯяд Мухика. – Бояд кифоя бошад, чунки даромади аксари ҳамватанони ман аз ин камтар аст”.
Ҳамсари ӯ низ як қисмати даромади моҳонаашро сарфи корҳои хайр мекунад. Онҳо дар Монтевидео дар хоначаи хоксоронае зиндагӣ мекунанд. Дороии арзишмандтарини Мухика дар тамоми давраи президентиаш як адад “Фолсваген Жук”-и куҳна мебошад, ки 1945 доллар арзиш дорад. Ӯ дар ягон бонк суратҳисоби хусусӣ ва қарз надорад. Ҷаласаҳои расмӣ ва ҳар гуна ҷашну маросимҳоро бад мебинад. Симои зоҳирии ӯ низ хеле хоксорона аст. Баъди ҳамсар ягона ҳамроҳу рафиқи мунисаш саги бовафояш – Мануэлла мебошад.
ҚОБИЛИЯТУ МАТОНАТИ ФАВҚУЛОДА
Хосе Мухика соли 1935 дар Монтевидео дар оилаи волидони сахтгир ба дунё омадааст. Дар синни ҷавонӣ ӯ шомили гурӯҳи партизании Тупамарос гардид. Аъзои ин гурӯҳи партизанӣ бонкҳо ва молу мулки одамонро ғорат карда, онҳоро ба мардуми камбағал медод. Хосе, ки пешвои ин гурӯҳ маҳсуб меёфт, дар ин муддат қобилияти фавқулодаи ташкилотчигӣ ва маҳорату малакаи роҳбариро аз худ намуд. Ӯ ҳини муборизаҳои мусаллаҳона алайҳи нерӯҳои амниятӣ шаш маротиба тир хӯрдаву захмин шуд. Оқибат дастгир шуда, ба муҳлати 14 сол (1973-1985) зиндонӣ гардид. Соли 1985 бо шикаст хӯрдани диктатураҳо ва барқарор гардидани демократияи конститутсионӣ тибқи қонуни авф Хосе Мухика ба озодӣ баромад. Ӯ ҳизберо таъсис дод, ки он сотсиалистҳо, коммунистҳо ва демократҳои насрониро муттаҳид месохт.
Соли 1994 вақте ӯ вакили парлумон интихоб гардид, ба назди бинои парлумон савори скутер (заврақчаи чӯбини варзишӣ) омад. Дарбон аз ӯ пурсид: “Шумо ба муддати зиёд ин ҷо омадаед?” Мухика дар ҷавоб гуфт: “Гумон мекунам, ки ба муддати зиёд”.
Соли 2009 Хосе Мухика аз ҷониби ҳизб ба ҳайси номзад ба мансаби президентӣ пешниҳод гардида, ба рақиби худ ғолиб омад ва моҳи марти соли 2010 Президенти Уругвай интихоб гардид.
“МАН ПРЕЗИДЕНТИ НОДОР НЕСТАМ”
Хосе ба андешаи нафароне, ки ӯро президенти нодортарини дунё меҳисобанд, розӣ нест. Ӯ таъкид мекунад, ки одамон моҳияти дороиро нодуруст мефаҳманд. “Ман президенти нодортарин нестам. Он нафаре шахси нодортарин аст, ки эҳтиёҷоти хеле зиёд дорад, - мегӯяд ӯ. – Тарзи ҳаёти ман ин натиҷаи захму ҷароҳатҳои ман аст. Ман писари таърихам. Қабл аз ҳама ман худро шахси хушбахттарини дунё меҳисобам, чун соҳиби болину бистари худ ҳастам”.
ҶАЗИРАИ ГУРЕЗАҲО ДАР ОЛАМИ ДЕВОНАҲО
Посбонии хонаи Хосе Мухикаро ду нафар муҳофиз, ки дар даромадгоҳ дохили мошине менишастанд ва саги бовафояш ба уҳда доштанд. Ӯ аз муҳаббати худ ба Ватану ба ҳамватанонаш бо як ҷаҳон эҳсоси ифтихормандӣ ҳарф мезанад ва ҳамеша барои ҳифзу ҳимояи онҳо омода буданашро изҳор медорад. Ӯ кишварашро кишвари озоду обод, бехатар ва орӣ аз ҳар гуна ҷинояту фасодкорӣ мешуморад. Ин аст, ки онро “ҷазираи гурезаҳо дар олами девонаҳо” номидааст.
Уругвай анъанаҳои хос дорад. Дар ин ҷо нархи маводи хӯрокворӣ, аз ҷумла шир хеле арзон буда, барои ҳар як кӯдак компютер ва таҳсил ба таври ройгон пешниҳод мегардад. Дар ин кишвар ба боло бурдани сатҳи иқтисодиёт аҳамияти хосса зоҳир карда мешавад. Соҳаҳои энергетика ва телекоммуникатсия миллӣ кунонида шудаанд. Уругвай дар масъалаи маҳдуд намудани истеъмоли тамоку дар ҷаҳон ҷои аввалро соҳиб аст.
Пул, захира ва вақтро набояд беҳуда сарф намуд
Соли 2005 дар Уругвай сатҳи камбизоатӣ аз 40 то 13 % поён рафт. “Чун ҳамарӯза талаботи одамон меафзояд, ман бояд барои қонеъ гардонидани онҳо ва муҳайё намудани ҷойҳои корӣ чораҳо андешам, - гуфта буд президент. - Ман зидди исрофкории беҳудаи пул, захира ва вақт мебошам. Мо бояд чизҳое офарем, ки муддати тӯлонӣ бароямон хизмат намоянд”.
Хосе Мухика аз рӯзи аввали ба мансаби президентӣ таъин гардиданаш таъкид намуда буд, ки барои рушд кардан тарзи ҳаёти одамонро бояд тағйир дод. Ӯ эълон намуд, ки бинои Ҳукумат паноҳгоҳи одамони бесаробону бесарпаноҳ хоҳад буд.
Қадами мантиқӣ
Иқдоми Мухика дар бораи қонуникунонии истеъмоли марихуана дар ҷаҳон эътироф гардид. “Гап сари он нест, ки мо бояд озоду ошкоро бошем. Балки ин қадами мантиқӣ аст. Мо мехоҳем, ки нашъамандон дигар аз хизматрасонии дилерҳои ғайриқонунӣ истифода накунанд”, - гуфта буд ӯ.
Мо ба дунё меоем, то хушбахт бошем
Мухика шахси некбину зиндадилест, чунки бовар дорад, ки замоне мерасаду дар олам шахси камбизоату нодор боқӣ намемонад. Ва маҳз он замон онҳо ба олам бо чашми дигар менигаранд. Президенти собиқ чунин меҳисобад, ки агар шахс аз рӯи раҳму шафқат аз ҳад зиёд ба манфиати дигарон заҳмат кашад, барои хушбахт будан вақт намеёбад.
Мо ба дунё на танҳо барои он меоем, ки калон шуда, тағйир ёбем ва атрофиёнро тағйир бидиҳем. Мо ба дунё барои он меоем, ки хушбахт бошем. Чунки ҳаёт зудгузар асту ягон неъмати моддӣ арзиши ҳаёти инсонро надорад.
Хабарҳои дигар
Рӯзнома
Эзоҳи худро нависед