Қисми ҳарбии 0411 – и Сарраёсати Қӯшунҳои сарҳадии КДАМ - и Ҷумҳурии Тоҷикистон дар якҷоягӣ бо Бахши кор бо ҷавонон ва варзиши ноҳияи Ишкошим барои хонандагони мактабҳои таҳсилоти ҳамагонии №44, 20, 21, 19 ва 25 – и ноҳия Рӯзи дарҳои кушод эълон намуд.

Ба иттилои Далер Душанбев, корманди Бахш, ин ташаббус ба ифтихори 25 – умин солгарди Рӯзи Артиши миллӣ роҳандозӣ шуда, толибилмон аз ҳолу аҳволи ҳайати шахсии сарбозону афсарон, аслиҳа ва муҳимоти ҷангии қисми ҳарбӣ бархӯрдор гардиданд.

Ҳамчунин мусобиқаҳои варзишӣ ба мисли гирбардорӣ, бандкашӣ, давидан ба масофаи 100 метр байни хонандагону афсарон гузаронида шуда, ғолибон аз ҷониби Бахш бо медал, ифтихорнома ва мукофоти хотиравӣ қадрдонӣ гаштанд.