Шавқи навиштан дореду намедонед онро чи тавр сайқал диҳед?

Пас Рӯзномаи “Ҷавонони Тоҷикистон” дастгири Шумост!

Муассисаи давлатии рӯзномаи “Ҷавонони Тоҷикистон” ба самъи донишҷӯён ва хонандагони макотиби миёнаи кишвар мерасонад, ки нашрия баҳри дар амал татбиқ намудани донишҳои назариявии донишҷӯёни риштаи рӯзноманигорӣ ва ҳамаи онҳое, ки ба навиштан шавқу ҳавас доранд, волонтёр “мухбири ихтиёрӣ” қабул менамояд.

Иқдоми мазкур бори аввал дар нашрия пешбарӣ шуда, ҳадаф аз он дастгирӣ ва омода намудани журналистони ҷавон мебошад.

Онҳое, ки довталабона волонтёри нашрия мешаванд, бо реҷаи озоди фаъолият, ҷои нишаст дар идораи рӯзнома, бо компютер ва интернет таъмин мегарданд. Дар ин баробар волонтёрони назди нашрия аз дарсҳои амалии журналистӣ, дарсҳои сиёсӣ, рафти банду басти нашрия, таҳрири мавод аз наздик шинос мешаванд.   

Довталабон новобаста аз ҷои таҳсил ва ихтисос, ки шавқи навиштанро доранд, метавонанд, волонтёри назди рӯзномаи “Ҷавонони Тоҷикистон” бошанд.