Дар боғи фарҳангу фароғатии ба номи устод Садриддин Айнӣ дар шаҳри Бӯстон як гуруҳ ҷавонон бо шукргузорӣ аз фазои орому осудаи Ватан ва бо илҳом аз сиёсати оқилонаву дурнигаронаи Пешвои маҳбубу муаззами миллат муҳтарам Эмомалӣ Раҳмон ба ифтихори Рӯзи забони давлатии Ҷумҳурии Тоҷикистон ва Рӯзи хуҷастаи милоди муҳтарам Ҷаноби Олӣ ба роҳпаймоӣ баромаданд.

Ҷавонон таҳти партавфишонии Парчами давлатии Ҷумҳурии Тоҷикистон ва аксҳои Пешвои муаззами миллат муҳтарам Эмомалӣ Раҳмон бо шиорҳои "Ҷавонон пайрави Пешвои миллат", "Пешвои мо-ифтихори мо" ва "Забони миллат-ҳастии миллат" роҳпаймоӣ намуданд.

Иштирокчиёни роҳпаймоӣ донишҷӯёни шуъбаи коллеҷи тарбияи ҷисмонӣ дар шаҳри Бӯстон ва Донишкадаи куҳӣ-металлургии Тоҷикистон бо хушнудиву сарфарозӣ изҳор доштанд, ки санаи 11 октябри соли равон дар маъракаи муҳими сиёсӣ-интихоботи Президенти Ҷумҳурии Тоҷикистон фаъолона ширкат менамоянд.