ҶАВОНОН
Панҷшанбе 28 Март 2024 09:07
- Шаҳбоз, биё ба театр равем,- гуфт Саъдӣ, ки дар дасташ чиптаи театр дошт.
Шаҳбоз бо ҷавоби рад ба ҳамсабақаш гуфт:
- Не, намехоҳам. Аз он ки ба театр меравам, беҳтараш ягон кори дигарро тамом мекунам. Бе ин ҳам саҳнаҳое, ки имрӯз ҳунармандон ба намоиш мегузоранд, ба замми он ки вақт исроф мешавад, ягон маъно надорад.
-Дӯстам, худхулосабарориро кам куну биё, як дафъа маро ҳамроҳӣ карда ба театр равем. Бе ин ҳам барои харидани чипта пул додӣ,-исрор варзид Саъдӣ.
- Гуфтам-ку намеравам. Панҷ сомонӣ он қадар пул нест, бигузор сӯзад. Беҳтараш, ту низ аз баҳраш гузар. Рафта чӣ кор мекунем ҳамон ҷо? Биё, ба боғ рафта, каме истироҳат кунем, - гуфт Шаҳбоз ба Саъдиву чиптаи дасти ӯро гирифта даронд ва ба қуттии партоби назди истгоҳ партофту ҷониби боғ равон шуданд.
Саъдиву Шаҳбоз зоҳиран донишҷӯ буданд. Аз ҳунармандону устодон гиламанд шуданашон далели он буд, ки чиптаи театр маҷбуран ба онҳо фурӯхта шудааст.
Суҳбати кӯтоҳи ҷавонони донишҷӯ ҳайронам карду ин саволҳо ба сарам омад: Чаро имрӯз ҷавонони мо аз театр рӯ мегардонанд ва онро барои худ бенафъ меҳисобанд?
Чаро бисёри намоишномаҳои театрҳои мо тамошобин надоранд? Чаро ҷавононро ба театр бояд маҷбур бубаранд? Чаро мо гуфтаи драманависи машҳури дунё
Шекспирро, ки зиндагиро ба саҳнаи театр ва инсонҳоро ба ҳунармандони ин саҳна ташбеҳ додааст, дарк намекунем? Дар ҳоле, ки театр воқеан ҷои муқаддас аст ва дар он зиндагии ҳар яки мо таҷассум меёбад.
Гулбаҳор РАҲМОНОВА, "ҶТ"
Шаҳбоз бо ҷавоби рад ба ҳамсабақаш гуфт:
- Не, намехоҳам. Аз он ки ба театр меравам, беҳтараш ягон кори дигарро тамом мекунам. Бе ин ҳам саҳнаҳое, ки имрӯз ҳунармандон ба намоиш мегузоранд, ба замми он ки вақт исроф мешавад, ягон маъно надорад.
-Дӯстам, худхулосабарориро кам куну биё, як дафъа маро ҳамроҳӣ карда ба театр равем. Бе ин ҳам барои харидани чипта пул додӣ,-исрор варзид Саъдӣ.
- Гуфтам-ку намеравам. Панҷ сомонӣ он қадар пул нест, бигузор сӯзад. Беҳтараш, ту низ аз баҳраш гузар. Рафта чӣ кор мекунем ҳамон ҷо? Биё, ба боғ рафта, каме истироҳат кунем, - гуфт Шаҳбоз ба Саъдиву чиптаи дасти ӯро гирифта даронд ва ба қуттии партоби назди истгоҳ партофту ҷониби боғ равон шуданд.
Саъдиву Шаҳбоз зоҳиран донишҷӯ буданд. Аз ҳунармандону устодон гиламанд шуданашон далели он буд, ки чиптаи театр маҷбуран ба онҳо фурӯхта шудааст.
Суҳбати кӯтоҳи ҷавонони донишҷӯ ҳайронам карду ин саволҳо ба сарам омад: Чаро имрӯз ҷавонони мо аз театр рӯ мегардонанд ва онро барои худ бенафъ меҳисобанд?
Чаро бисёри намоишномаҳои театрҳои мо тамошобин надоранд? Чаро ҷавононро ба театр бояд маҷбур бубаранд? Чаро мо гуфтаи драманависи машҳури дунё
Шекспирро, ки зиндагиро ба саҳнаи театр ва инсонҳоро ба ҳунармандони ин саҳна ташбеҳ додааст, дарк намекунем? Дар ҳоле, ки театр воқеан ҷои муқаддас аст ва дар он зиндагии ҳар яки мо таҷассум меёбад.
Гулбаҳор РАҲМОНОВА, "ҶТ"
Эзоҳи худро нависед