15 - 16 март дар шаҳри Тайани Ҷумҳурии Мардумии Чин мусобиқаи интихобии олимпӣ оид ба таеквондо дар қораи Осиё доир мегардад.

Кишвари моро дар ин мусобиқа се варзишгар намояндагӣ хоҳанд кард. Муҳаммадҷон Суннатов (-68кг), Моҳру Ҳалимова (-67кг) ва Мунира Абдусаломова (+67кг) аз Федератсияи таеквондо WT-и Тоҷикистон ба ҳайати мунтахаб шомил шудаанд.

Мусобиқаи мазкур аз рӯйи ҳашт вазн – 4 вазн миёни мардҳо ва 4 вазн миёни бонувон барои ба даст овардани роҳхат ба Бозиҳои олимпии Париж-2024 рақобат хоҳанд кард. Мувофиқи низомномаи мусобиқа танҳо нафароне соҳиби роҳхат мешаванд, ки ба даври финалии рақобат расида бошанд. Яъне дар ҳар як вазн ду роҳхат ба Бозиҳои олимпӣ дода мешавад.