17 - уми август Конференсияи 14-уми Филиали Иттифоқи ҷавонони Тоҷикистон дар вилояти Суғд баргузор гардид.
Дар кори конфронс масъулини иттифоқ, вакилон ва ҷавонони фаъол иштирок намуданд.

Рӯзномаи конфронс иборат аз ду масъала буд. Нахуст, фаъолияти Филиали Иттифоқи ҷавонони Тоҷикистон дар вилояти Суғд мавриди баррасӣ қарор гирифт.

Таъкид гардид, ки Иттифоқи ҷавонони Тоҷикистон дар вилояти Суғд ҳамчун неруи ташаббускор ҷавонони фаъолро муттаҳид намуда, дар таҳкими сулҳу ваҳдат, оромиву суботи сиёсӣ, ҳифзи амнияти миллӣ ва истиқлолияти давлатӣ нақши муассир дорад.

Дар идома бо овоздиҳии якҷоя рӯйхати вакилон ба Анҷумани 14 - уми Иттифоқи ҷавонони Тоҷикистон бо қарори конференсия тасдиқ гардид.

Ҳамзамон, як қатор аъзои Филиали Иттифоқи ҷавонони Тоҷикистон дар вилоят бо Сипоснома қадрдонӣ шуданд.