ҶАВОНОН
Чоршанбе 16 Октябр 2019 08:04
6482
Дирӯз 6 октябр, дар Амфитеатри Қасри Арбоб ба муносибати гусели аввалин гурӯҳи даъватшавандагон чорабинии тантанавӣ доир гардида, 1500 нафар ҷавонони шуҷоъ ба хизмати ҳарбӣ фиристода шуданд.

Раҷаббой Аҳмадзода, раиси вилояти Суғд зимни суханронӣ дар чорабинии тантанавӣ таъкид кард, ки ҷавонони бонангу номуси мо хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагӣ мебошад. Насли ҷавон дар баробари хизмат дар сафи Қувваҳои мусаллаҳи мамлакат, муҳимтарин мактаби обутоби ҳаётро паси сар мекунанд. Маҳз, дар ҳамин ҷо ҷавонписарон дарси шуҷоату мардонагӣ ва муҳофизат кардани хоки поки Ватанро меомӯзанд. Яъне, хизмати ҳарбӣ нишонаи равшани эҳсоси ватандӯстӣ, дарки зарурат ва аҳамияти ҳимояи манфиатҳои давлат ва халқи Тоҷикистон мебошад.

Раиси вилоят ҳамзамон зикр дошт, ки Мақомоти иҷроияи ҳокимияти давлатии вилояти Суғд баҳри таъмини иҷрои Фармони Президенти Ҷумҳурии Тоҷикистон ва қарори Раиси вилоят “Оид ба даъвати ҷавонон ба хизмати ҳарбӣ” якҷо бо комиссияҳои даъватӣ, комиссариатҳои ҳарбии шаҳру ноҳияҳо фаъолияти худро мунтазам ба роҳ монда, нақшаи даъвати баҳории соли 2019-умро пеш аз мӯҳлати муқарраршуда иҷро намуд, ки ин дар навбати худ, аз болоравии ҳиссиёти худшиносии милливу ватанпарварии ҷавонони суғдӣ башорат медиҳад.

Таъкид гардид, корҳои тарғиботию ташвиқотии дар марҳилаи байнидаъватӣ баргузоргардида, боиси он шуд, ки дар ин рӯз 1500 нафар ҷавонони ватандӯст аз шаҳру ноҳияҳои вилоят ба комиссияҳои даъватӣ ҳозир шуданд.

Мавриди зикр аст, ки дар рӯзи нахустини гусели даъватшавандагон ноҳияи Шаҳристон ва шаҳри Исфара нақшаи даъвати ҷавонон ба сафи Қувваҳои мусаллаҳро пурра таъмин намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.