Икромӣ Хуршед Икромӣ, директори Маркази миллии тестии назди Президенти Ҷумҳурии Тоҷикистон (ММТ), имрӯз зимни нишасти хабарӣ оид ба дохил шудани хатмкунандагон ба муассисаҳои олие, ки имтиҳонҳои эҷодӣ доранд, гуфт: “Дар соли аввал Консерваторияи миллии Тоҷикистон ба низоми ММТ шомил буд, вале баъдан ин собит намуд, ки ба Консерватория танҳо онҳое ҳуқуқи дохил шудан ва таҳсил карданро доранд, ки онҳо бевосита мактабҳои миёнаи умумӣ ва ибтидоии касбии соҳаи фарҳангро хатм карда бошанд. Яъне, ба Консерватория дохил шудани хонандагон маълумоти соҳаи фарҳанг ҳатмист”.

Номбурда дар шарҳи ин назари хеш иброз дошт, ки: “Косерватория аз ин низом бо қарори Ҳукумат берун карда шудааст ва дигар муассисаҳо бевосита ихтисосҳое доранд, ки имтиҳонҳои эҷодию маҳоратро талаб мекунад, аз ин лиҳоз имтиҳонҳои эҷодию маҳорат дар худи он муассисаҳое, ки имтиҳонҳои эҷодию маҳорат доранд, гузаронида мешавад ва баъдан онҳо ба мо рӯйхати нафаронеро, ки аз имтиҳонҳои эҷодию маҳорат холи гузаришро гирифтаанд, пешниҳод мекунанд”.

Дар идомаи нишаст гуфта шуд, ки Донишкадаи давлатии фарҳанг ва санъати Тоҷикистон ба номи Мирзо Турсунзода тамоми шарту санҷишҳое, ки барои имтиҳонҳои эҷодию маҳорат муқаррар кардааст, бо ягон муассисаи таҳсилоти олии касбӣ мувофиқ нест. Ва довталабон танҳо ҳамон муссисаро интихоб карда метавонанд. Ин ҳам дар ҳолест, ки чанде пеш дар нишасти матбуотӣ ректори Донишкадаи давлатии фарҳаг ва санъати Тоҷикистон ба номи Мирзо Турусунзода Низомӣ Муҳриддин Зайниддин гуфта буд, ки: “Довталабоне, ки тавассути ММТ ба донишкада дохил мешаванд, бояд хеле маҳорати баланд дошта бошванд, яъне як маҳаке дошта бошанд, то мо он маҳакро баъди қабул сайқал диҳем. Аз ин лиҳоз имтиҳонҳои дохилшавиро танҳо ба танҳо донишкада гирад, хубтар мешавад”.

Масъулини ММТ дар хулосаи хеш вобаста ба ин масъала гуфтанд, ҷиҳати тайёр намудани кадрҳои хуби соҳаи фарҳангу санъат танҳо худи муассисаҳои таълимии санъату фарҳанг рисолат доранд, на ММТ.

Имрӯз муассисаҳои таълимии марбут ба фарҳангу санъатро рисолат аст, ки ҳангоми гирифтани имтиҳонҳои эҷодию маҳорат ба ҳунари асили довталабон диққати аввалиндараҷа диҳанд. Зеро як бали баланд мондани онҳо метавонад, дар вақти имтиҳонҳои эҷодию маҳорат сабаби пеш нарафтани фарҳангу санъати кишварамон гардад.