20 нафар волонтёрони Иттифоқи ҷавонони Тоҷикистон дар доираи Аксияи ҷумҳуриявии 75 рӯзи ниҳолшинонии ҷавонон таҳти унвони "Дарахти дӯстӣ биншон, ки коми дил ба абор орад!" бахшида ба 20-солагии Ваҳдати миллӣ дар шоҳроҳи Ваҳдат-Файзобод зиёда аз 280 бех ниҳолҳои сояафкан ва ҳамешасабз шинониданд.

Дар ин бора аз Бахши ҷавонон, варзиш ва сайёҳии шаҳри Ваҳдат хабар доданд.

Аксияи мазкур бо мақсади тарбияи наврасону ҷавонон дар рӯҳияи ватандӯстӣ, арҷгузорӣ ба муқаддасоти миллӣ, тавсеа бахшидан ба корҳои ободониву созандагӣ ва сарсабзу хуррам гардонидани кишвар эълон шудааст.