Намояндагони Раёсати кор бо ҷавонон ва варзиши ВМКБ мулоқоти навбатиро бо сарбозону афсарони Қисми ҳарбии 0411 – и Сарраёсати Қӯшунҳои сарҳадии КДАМ - и кишвар дар ноҳияи Ишкошим анҷом доданд.

Зимни суҳбат бо ҳайати шахсӣ мавзӯъҳои нақши Сарфармондеҳи олии Қувваҳои Мусаллаҳи кишвар, генерали артиш, муҳтарам Эмомалӣ Раҳмон дар таҳким ва бозсозии ҷузъу томҳои низомӣ, омодагии баланди ҳарбии сарбозон, аз худ нишон додани ҳушёрӣ дар ҳамаи ҳолатҳо, посухи саривақтӣ ба таҳдидҳои муосир муҳокима шуданд.

Ба гуфтаи Сураҷ Чоршанбиев, муовини сардори раёсат, чунин вохӯрӣ таҳти унвони "Артиши миллӣ - сипари боэътимоди давлату миллат" дар доираи нақшаи чорабиниҳо ба ифтихори Рӯзи ҷавонони мамлакат рӯи кор омад.

Аз ҷониби раёсат ба аскарон лавозимоти варзишӣ ва дигар тӯҳфаҳои хотиравӣ тақдим гашт.