Бахши кор бо ҷавонон ва варзиши шаҳри Хоруғ баҳри ятимони куллу ашхоси дорои имконияташ маҳдуд зери унвони “Як рӯзи фараҳмандию истироҳат” сайёҳат ва чорабиниҳои варзишӣ ташкил намуд.

Дар ин бора Имомёрбек Имомёрбеков, мудири бахш иттилоъ дода гуфт, ки кӯдакону наврасон аз Донишгоҳи Осиёи Марказӣ, Чойхонаи миллӣ, Боғи набототи Помир, Осорхонаи вилоятӣ ва дигар иншооти сайёҳиву ёдгориҳои таърихии ВМКБ дидан карданд.

Ҳамчунин, барои ашхоси ниёзманд машғулиятҳои гуногуни варзишӣ ва барномаи ҷолиби консертӣ бо ширкати беҳтарин ҳофизони шаҳр баргузор гардид.