Хадамоти матбуотии раиси вилояти Суғд иттилоъ дод, ки бори аввал дар таърихи соҳибистиқлолии кишвар истеҳсоли ангишт дар ҳудуди вилоят  ба зиëда аз 1 млн тонна расонида шуд.

Давоми 11 моҳи соли ҷорӣ саноатчиëни вилоят 1 миллиону 89,4 ҳазор тонна ангишт истеҳсол намуданд, ки нисбат ба ҳамин давраи соли гузашта 361,3 ҳазор тонна ё 1,5 маротиба зиёд мебошад.

Ҳоло дар вилояти Суғд нуҳ коргоҳи ангишт фаъолият менамояд, ки нақбканони ду кони ангишт — «ФонЯғноб» -и ноҳияи Айнӣ ва «Ғузн»-и ноҳияи Кўҳистони Мастчоҳ ба натиҷаи бештар ноил гардидаанд.

Саодат ИСМОИЛӢ, "ҶТ"