Беш аз 20 нафар духтарони касбу кори гуногуни ноҳияи Балҷувон дар доираи лоиҳаи “Омода кардани духтарони Балҷувони дар идоракунии давлатӣ” ба курсҳои омӯзишии “Духтарон - роҳбарони ояндасоз” ҷалб карда мешаванд.

Дар доираи ҳамин барнома ҷавондухтарони маҳаллӣ бо низоми идоракунии давлатӣ ва услуби хуби хизмати давлатӣ шинос шуда, мутахассисони варзидаи соҳа ба онҳо дарс мегӯянд.

Ҳамзамон, бо мақсади ҳавасмангардонии духтарони иштирокчии курс озмӯни грантҳои хурди раиси ноҳияи Баляувон ва ташкилоти ҷамъиятии “Маърифати шаҳрвандӣ” эълон гардидааст.

Барои моҳиятан баррасӣ намудани лоиҳаҳои духтарон амри раиси ноҳия дар бораи таъсиси Комиссия оид ба ҷамъбасти озмуни грантҳо таъсис дода шуда, то ин муддат аз тарафи духтарон маҳаллӣ наздики 20 лоиҳа пешниҳоди комиссия гардидааст. Қарор аст, ки муаллифони 10 лоиҳаи беҳтарин соҳиби грантҳои хур шуда, кору тиҷоратро бароҳ монанд. Дастгирии духтарон ва занони бекор дар дигар шаҳру навоҳӣ бо шеваҳои гуногун, аз ҷумла додани қарзу грантҳо дар чанд соли ахир дар мушоҳида мешавад.

Умед Мирзоев, “ҶТ”