Аз тарафи соҳибкори маҳаллӣ Музаффар Дарвешов, дар деҳаи “Ҳазорчашма”-и ҷамоати деҳоти Калелнини ноҳияи Ҷалолиддини Балхӣ як майдончаи варзишӣ бо маблағи 19 ҳазор сомонӣ сохта ба истифода дода шуд.

Дар ифтитоҳи он роҳбари дастгоҳи раиси ноҳия Рузимат Сияҳаков, мудири бахши ҷавонон, варзиш ва сайёҳӣ Қурбонзода Хуршед, раиси ҷамоати деҳоти Каленин Собир Риёзов ва ҷавонони ҷамоат иштирок намуданд.

Рузимат Сияҳаков, ба соҳибкор барои фароҳам овардани чунин имконияти хуб барои кӯдакони ин деҳа изҳори сипос намуда, қайд намуд, ки ҳоло барои тарбияи дуруст, тарғиби ҳаёти солим ба тансиҳат ба воя расондани насли имрӯза аз ҷониби Ҳукумати Ҷумҳурии Тоҷикистон ва соҳибкорони маҳаллӣ тамоми шароиту имкониятҳо фароҳам оварда шудааст.

Меҳмонон дар маросими кушодашавии майдончаи варзишӣ байни наврасони ҷамоат мусобиқаи футбол доир намуданд.

Умед Мирзоев, “ҶТ”