Бо ташаббуси Маркази ҷавонони ҷамоати деҳоти Вери ноҳияи Шуғнон баҳри дарёфти Ҷоми “Оғоназар” дар ноҳия мусобиқаи волейбол баргузор гардид, ки дар он 8 даста миёни ҳам рақобат намуданд.

Дар даври ниҳоии мусобиқа дастаи “Шитам” бар тими “Чарсем” бо ҳисоби 3:1 (25:18, 25:19, 20:25, 25:22) дастболо шуд ва Ҷоми “Оғоназар”-ро ба даст овард. Ҷои сеюм насиби дастаи “Вер”-и водии Ғунд гардид.

Ғолибони мусобиқа аз тарафи роҳбарияти Маркази ҷавонони ҷамоати деҳоти Вер бо медал, ифтихорнома ва мукофоти пулӣ қадрдонӣ шуданд.

Машҳур ИМОМНАЗАРОВ, “ҶТ”