Бахшида ба Рӯзи энергетикаи тоҷик 20 декабр дар бинои НБО Норак бо иштироки беш аз 300 нафар кормандони соҳаи энергетика мизи мудаввар доир гардид. Онро раиси шаҳри Норак Ҳурматзода Фатҳулло Зариф ифтитоҳ бахшида, ҳозиринро ба Рӯзи энергетикаи тоҷик муборакбод намуд.

Сипас, Асозода Маҳмадумар Шамсулло, муовини аввали ШСХК “Барқи тоҷик”, раиси Кумитаи иҷроияи Ҳизби халқии Демократии Тоҷикистон дар шаҳри Норак Гулмуродзода Қумринисо, мудири бахши кор бо ҷавонон ва варзиши шаҳри Норак Баҳодур Ятимов доир ба рушди соҳаи энергетика дар Ҷумҳурии Тоҷикистон ва дигар дастовардҳою мушкилоти соҳа маърӯза хонданд.

Дар охир аз ҷониби ШСХК “Барқи тоҷик”, Кумитаи иҷроияи Ҳизби халқии Демократии Тоҷикистон дар шаҳри Норак ва Бахши кор бо ҷавонон ва варзиши шаҳр ба кормандони фаъоли нерӯгоҳҳои “Норак”, “Бойғозӣ” ва “Барқчиён” нишони “Аълочии Барқи Тоҷик", ифтихорнома, ва маблағи муайяни пулӣ тақдим шудд.