Бо ташаббуси Кумитаи кор бо ҷавонон ва варзиш дар якҷоягӣ бо Вазорати корҳои дохилӣ дар Маҷмааи варзишии шаҳри Кӯлоб даври ҷамъбастии мусобиқаҳои варзишӣ доир гардид.

Дар чорабинӣ Аҳтам Абдуллозода, раиси Кумитаи кор бо ҷавонон ва варзиш , Хайрулло Амонулло, раиси шаҳри Кӯлоб, Хидирзода Махфират, муовини раиси вилояти Хатлон ва намояндаи Вазорати корҳои дохилӣ иштирок ва суханронӣ намуданд.

Гуфта шуд, ки чорабинии мазкур барои афзун намудани фаъолнокии ҷавонон мусоидат намуда, ҳисси худшиносиву худогоҳӣ ва нерӯи ақлониву ҷисмонии ҷавононро боло мебарад.

Варзишгарони минтақаи Кӯлоби вилояти Хатлон дар ин чорабиниҳо ширкат намуда, аз рӯи намудҳои варзиши волейбол, футбол, теннис, шашка, шоҳмот, гуштини миллӣ ва оббозӣ қувваозмоӣ намуда, дар охир ғолибони мусобиқаҳо аз ҷониби раиси шаҳр ва меҳмонон бо медалу туҳфаҳои арзишманд қадрдонӣ шуданд.