Дар доираи мулоқоти Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон бо намояндагони ҷомеаи кишвар, кормандонони Кумитаи кор бо ҷавонон ва варзиши назди Ҳукумати Ҷумхурии Тоҷикистон бо сокинону ҷавонони ноҳияи Ванҷ мулоқот намуданд.

Тавре Масрур Ғайратов, мудири Бахши кор бо ҷавонон ва варзиши ноҳия иттилоъ дод, дар вохӯрӣ асосан риояи қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросимҳо дар Ҷумҳурии Тоҷикистон”, ҳамчунин иҷрои тадбирҳои хайру савоб, дастгирии эҳтиёҷмандон, ғамхорӣ нисбат ба падару модар, сазовор пешвоз гирифтани ҷашни Ваҳдати миллӣ ва сисолагии Истиқлолияти давлатии Тоҷикистон баррасӣ шуданд.

Мавриди зикр аст, ки силсилавохӯриҳо бо иқдоми кумита дар ҳамаи шаҳру навоҳии ВМКБ гузаронида шуданд.

Машҳур ИМОМНАЗАРОВ, “ҶТ”