Муовини раиси ноҳияи Дарвоз Носирзода Умедҷон бо ҷавонони ноҳия ва донишҷӯёни Донишгоҳи давлатии Хоруғ ба номи Моёншо Назаршоев (ДДХ) вохӯрӣ намуд.

Дар мулоқот муовини ректори донишгоҳ оид ба тарбия Ниёзалӣ Қамбаров, мудири Шуъбаи кор бо ҷавонон Дидоршоҳ Насриддинов ва омӯзгорони ДДХ иштирок карданд.

Н. Умедҷон қайд кард, ки ҷавонон бояд тамоми қувваю нерӯи худро ба донишандӯзию бозомӯзӣ равона сохта, дар ҳама ҷо аз худ тартибу интизоми намунавиро нишон диҳанд:

“Рисолати шумо муҳассилину ҷавонон аст, ки бо натиҷаҳои хубу аъло таҳсил карда, ҷиддан аз пайи илм шавед. Аз аъмоли паст, кирдорҳои нангини ҷомеа дурӣ ҷуста, зиракии сиёсиро ба кор баред, то фирефтаи иғвогарию ифротгароён нашавед”.

Таъкид шуд, ки соли 2019 ҷашни Истиқлолияти давлатии сатҳи ҷумҳуриявии кишвар дар ВМКБ баргузор хоҳад гашт ва барои ҳамаи табақаҳои аҳолии вилоят лозим аст, ки бо омодагии комил онро истиқбол намоянд.

Машҳур ИМОМНАЗАРОВ, “ҶТ”