Таҳти ҳамин унвон дар ноҳияи Роштқалъа бо иштироки 100 нафар ҷавонони касбу кори гуногуни ноҳия чорабинии сиёсӣ – фарҳангӣ баргузор гардид.

Чорабинӣ бо ташаббуси Бахши кор бо ҷавонон ва варзиши ноҳия роҳандозӣ шуда, дар он раиси тозаинтихоби Роштқалъа Давлатшо Мамадшоев ширкат намудааст.

Ба гуфтаи Сураҷ Чоршанбиев, сардори Раёсати кор бо ҷавонон ва варзиши ВМКБ, мақсад аз гузаронидани чорабинӣ таҳкими ҳамкориҳои нави ҷавонон бо роҳбарияти ноҳия, муттаҳид кардани онҳо атрофи арзишҳои маънавӣ, аз байн бурдани ҳаргуна ихтилофоту ҷинояткорӣ ва бечуну чаро риоя намудани ҳамагуна қонуниятҳои амакунандаи кишвар аст.
Дар ҷараёни чорабинӣ байни раису ҷавонон гуфтугӯи озод ба таври саволу ҷавоб ба вукӯъ пайваст, ки ҳамаи ҷавонон аз натиҷаи он фараҳманд гаштанд.

Машҳур ИМОМНАЗАРОВ, “ҶТ”