Пиёдагард дар натиҷаи як садамаи нақлиётӣ ҷароҳатҳои вазнини ҷисмонӣ бардошта, дар роҳ ба сӯи беморхона ба ҳалокат расид.

Тавре дафтари матбуоти ВКД хабар медиҳад, ҳодиса рӯзи 2-юми октябри соли ҷорӣ, тахминан соати 15:00-дақиқа ба вуқӯъ омадааст.

Гуфта мешавад, ки ронандаи автомашинаи тамғаи “Мерседес-бенс”, Боронов Эмомҷон Эшонҷонович, соли таваллудаш 1987, сокини ноҳияи Кӯшониён, ҳангоми ҳаракат аз самти шаҳри Бохтар ба самти шаҳри Душанбе, дар ҳудуди ҷамоати деҳоти Обикиики ноҳияи Хуросон аз ӯҳдаи идораи воситаи нақлиёт набаромада, пиёдагард, Тағойназаров Абдулҳофиз Ҷарикович, соли таваллудаш 1977, сокини деҳаи Баҳори ноҳияи Хуросонро пахш намудааст.

Дар натиҷа, пиёдагарди мазкур ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.

Садбарги РАҲМИДДИН “ҶТ”