Мувофиқи нақшаи чорабиниҳои Раёсати кор бо ҷавонон ва варзиши вилояти Суғд дар Коллеҷи омӯзгории шаҳри Хуҷанд семинари омӯзишӣ дар мавзӯи "Волонтёрӣ - мактаби худташаккулдиҳӣ" гузаронида шуд.

Чорабинии мазкур бо мақсади ҷалби бештари ҷавонон ба фаъолияти волонтёрӣ, баланд бардоштани ҳисси ватандӯстии наврасону ҷавонон, даст кашидан аз амалҳои номатлуб, ҳамроҳ нашудан ба ҳар гуна ҳизбу ҳаракатҳои террористиву экстремистӣ ва тарбияи онҳо дар рӯҳияи ватандӯстӣ ва одоби ҳамидаи инсонӣ доир гардид.

Дар семинари мазкур роҳбари Клуби волонтёрони Раёсати кор бо ҷавонон ва варзиши вилояти Суғд Ҷаъфаров Диловар, муовини роҳбари Клуби волонтёрон Ҳакимов Нозим ва волонтёри фаъоли раёсат Ҳабибуллоев Умар суханронӣ намуданд.

Аз ҷониби баромадкунандагон таъкид гардид, ки волонтёрӣ фаъолияти хайрхоҳӣ буда, дар Тоҷикистон тавонист, ки дар камтарин муддат таъсис ёбад, ташаккул намояд ва ба сӯи рушд равона шавад.

Шодмон НУРМАТОВ, “ҶТ”