Раиси Хадамоти иҷроии назди Ҳукумати Ҷумҳурии Тоҷикистон Идрисзода Илёс Мумин дар нишасти матбуотӣ ба рӯзноманигорон иброз дошт, ки ҷиҳати иҷрои талаботи моддаи 20 Қонуни Ҷумҳурии Тоҷикистон “Дар бораи хизмати давлатӣ” ва банди 48 Низомнома дар бораи тартиб ва шартҳои гузаронидани аттестатсияи хизматчиёни давлатии маъмурӣ, аз рӯи натиҷаи аттестатсияи кормандон, ки соли 2018 баргузор шуд, дар асоси тавсияҳои комиссияи аттестатсионӣ моҳи майи соли 2019 аттестатсияи такрории кормандон гузаронида шуд.

Ӯ афзуд, ки: “Ба аттестатсияи такрорӣ 23 нафар хизматчиёни давлатии маъмурӣ фаро гирифта шуда, мувофиқи хулосаи комиссияи аттестатсионӣ 16 нафар аз аттестатсияи такрорӣ гузашта, 6 нафари дигар ноком шуданду аз кор ҷавоб дода, шуданд”.

Ҳамчунин гуфта шуд, ки айни замон дар Хадамоти иҷрои назди Ҳукумати Ҷумҳурии Тоҷикистон 305 воҳиди корӣ буда, 299 нафар кор мекунанд ва зиёда аз 65%-и кормандон аз ҳисоби ҷавонон ҷалб карда шудаанд.

Шумораи занони рӯз аз рӯз афзуда, айни замон 33 нафар занону бонувон кору фаъолият мекунанд. Барно Саидзода муовини якуми раси Хадамот сабаби кам будани занонро дар он арзёби мекунад, ки хадамоти мо хадамоти иҷро ҳаст ва дар бисёр ҳолатҳо даъвову сарзанишҳои сокинонро мушоҳида кардан мумкин аст ва аз ин сабаб сабаби дар хадамот занон кам кор мекунанд, лекин ба ин нигоҳ накарда, рӯз аз рӯз сафи кормандон аз ҳисоби занон зиёд шуда истодааст.

Рустам ОДИНАЕВ “ҶТ”