Хабарҳои кӯтоҳ
Душанбе 23 Декабр 2024 12:59
Дар ҳаёти сиёсии ИМА рӯйдоди навин ба амал омад. Ин ҳам бошад, ба таври расмӣ ба ҳайси довталаб ба маснади президентӣ аз ҳизби демократӣ худро номнавис кардани Роберт Кеннедии хурдӣ (69–сола) – писари сенатор Роберт Кеннеди ва ҷияни президенти 35–умини ИМА Ҷон Кеннеди маҳсуб меёбад.
Маъракаи президентӣ соли оянда дар ин кишвар ҷараён хоҳад гирифт. Президенти кунунии ИМА Ҷо Байдени 80–сола ҳоло худро ҳамчун довталаб номнавис накардааст. Ҳарчанд пайваста изҳор медорад, ки маъракаи интихоботии соли оянда бе ҳузураш гӯё маъно надорад.
Дар ин маврид рӯзномаи маъруфи амрикоии “The Washington Post” Роберт Кеннедиро дар нигоштаҳояш ҳамчун “узви ҷанҷолии оилаи маъруфи Кеннедиҳо” ном бурдааст. Ин баҳодиҳӣ нисбати ин сиёсатмадори маъруф, пеш аз ҳама ба гуфтаҳояш дар давраи эмкунӣ барои пешгирии бемории коронавирус рабт дорад. Он вақт Роберт Кеннедии хурдӣ зиди эмкунӣ баромад намуда, диққати ҳамагонро дар саросари ИМА ба худ ҷалб сохта буд. Ӯ иҷборан роҳандозии эмкуниро ба ҳолокост баробар донист. Дар натиҷа, изҳороти ӯ ҳамчун ахбори бардурӯғ дониста шуда, саҳифааш дар Facebook маҳдуд гардид.
Аз афташ, авлоди Кеннедиҳо аз ширкати намояндаи эшон дар маъракаи интихоботи президентӣ чандон хушҳол нест. Мувофиқи иттилои ВАО аксар аҳли ин авлод нияти дастгирии президенти кунунӣ Ҷо Байденро доранд. Ба ҳар ҳол, дар ин маврид дар маърази умум ин мавқеъро танҳо собиқ ноиби губернатори вилояти Мериленд Кэтлин Кеннеди Таунсенд – хоҳари Роберти Кеннедии хурдӣ баён дош-тааст. Кэтлин дар маҷаллаи “Politico Magazine” навиштааст, ки бародараш ҷузъе “аз маъракаи иттилооти бардурӯғ гардид, ки оқибати ногувор ба бор хоҳад овард”.
Мувофиқи пурсиши анҷомдодаи рӯзномаи “USA Today” сарвари кунунӣ Ҷо Байденро соли оянда танҳо 67 фоизи интихобкунандагон тарафдорӣ хоҳанд кард, ки соли 2020 ба тарафдории демократҳо овоз дода буданд. Дар ин маврид 14 фоизи пурсидашудагон сарвари давлат маҳз Роберт Кеннедии хурдиро дидан мехоҳанд. Вай аллакай худро миёни 33 фоизи пурсидашудагон ва 35 фоизе, ки тарзи корбарии Ҷо Байденро чандон писанд надоранд, хеле хуб муаррифӣ карда тавонист. Зикр шудааст, ки дар тими ӯ амрикоиҳои ҷавону серғайрат фаъолият доранд.
Аз ҳизби ҷумҳурихоҳон собиқ президент Доналд Трамп, собиқ губернатори Каролинаи ҷанубӣ Никки Хейли, собиқ губернатори вилояти Арканзас Аса Хатчинсон ва соҳибкору нависанда Вивек Рамасвами ширкат меварзанд.
Аксар таҳлилгарони масоили байналмилалӣ бар он ақидаанд, ки маъракаи интихоботи президентии соли оянда дар ИМА, аз маъракаҳои пешин бо нақши зиёди масоили сиёсати беруна, бояд фарқ намояд. Бо илова ба масоили муқобилаистии иқтисодӣ бо Чин ва масъалаи ҷазираи Тайван, ҳамчунин мавқеи номзадҳои кунунӣ бобати муноқиша дар Украина, муҳим арзёбӣ мегардад. Вобаста ба ин масъала Роберт Кеннедии хурдӣ зимни суҳбат бо хабарнигори шабакаи телевизионии “Fox News” чунин андеша баён доштааст: “Муқобилаистии Маскав ва Киев барои мо, аз нуқтаи назари сиёсати сартосарӣ, масъалаи хеле ҷиддист. Зеро он боиси ба ҳам наздикшавии Русия ва Чин мегардад, ки ин барои мо нохушоянд аст”.
Дар ин маврид маъракаи интихоботии соли ояндаро таҳлилгарон шояд “муборизаи нафақахӯрон” номгузорӣ мекарданд. Агар дар он номзадҳое чун Никки Хейлии 51–сола ва Вивек Рамасвамии 37–сола ширкат намеварзиданд.
Т. ДАВЛАТ, “ҶТ”
Маъракаи президентӣ соли оянда дар ин кишвар ҷараён хоҳад гирифт. Президенти кунунии ИМА Ҷо Байдени 80–сола ҳоло худро ҳамчун довталаб номнавис накардааст. Ҳарчанд пайваста изҳор медорад, ки маъракаи интихоботии соли оянда бе ҳузураш гӯё маъно надорад.
Дар ин маврид рӯзномаи маъруфи амрикоии “The Washington Post” Роберт Кеннедиро дар нигоштаҳояш ҳамчун “узви ҷанҷолии оилаи маъруфи Кеннедиҳо” ном бурдааст. Ин баҳодиҳӣ нисбати ин сиёсатмадори маъруф, пеш аз ҳама ба гуфтаҳояш дар давраи эмкунӣ барои пешгирии бемории коронавирус рабт дорад. Он вақт Роберт Кеннедии хурдӣ зиди эмкунӣ баромад намуда, диққати ҳамагонро дар саросари ИМА ба худ ҷалб сохта буд. Ӯ иҷборан роҳандозии эмкуниро ба ҳолокост баробар донист. Дар натиҷа, изҳороти ӯ ҳамчун ахбори бардурӯғ дониста шуда, саҳифааш дар Facebook маҳдуд гардид.
Аз афташ, авлоди Кеннедиҳо аз ширкати намояндаи эшон дар маъракаи интихоботи президентӣ чандон хушҳол нест. Мувофиқи иттилои ВАО аксар аҳли ин авлод нияти дастгирии президенти кунунӣ Ҷо Байденро доранд. Ба ҳар ҳол, дар ин маврид дар маърази умум ин мавқеъро танҳо собиқ ноиби губернатори вилояти Мериленд Кэтлин Кеннеди Таунсенд – хоҳари Роберти Кеннедии хурдӣ баён дош-тааст. Кэтлин дар маҷаллаи “Politico Magazine” навиштааст, ки бародараш ҷузъе “аз маъракаи иттилооти бардурӯғ гардид, ки оқибати ногувор ба бор хоҳад овард”.
Мувофиқи пурсиши анҷомдодаи рӯзномаи “USA Today” сарвари кунунӣ Ҷо Байденро соли оянда танҳо 67 фоизи интихобкунандагон тарафдорӣ хоҳанд кард, ки соли 2020 ба тарафдории демократҳо овоз дода буданд. Дар ин маврид 14 фоизи пурсидашудагон сарвари давлат маҳз Роберт Кеннедии хурдиро дидан мехоҳанд. Вай аллакай худро миёни 33 фоизи пурсидашудагон ва 35 фоизе, ки тарзи корбарии Ҷо Байденро чандон писанд надоранд, хеле хуб муаррифӣ карда тавонист. Зикр шудааст, ки дар тими ӯ амрикоиҳои ҷавону серғайрат фаъолият доранд.
Аз ҳизби ҷумҳурихоҳон собиқ президент Доналд Трамп, собиқ губернатори Каролинаи ҷанубӣ Никки Хейли, собиқ губернатори вилояти Арканзас Аса Хатчинсон ва соҳибкору нависанда Вивек Рамасвами ширкат меварзанд.
Аксар таҳлилгарони масоили байналмилалӣ бар он ақидаанд, ки маъракаи интихоботи президентии соли оянда дар ИМА, аз маъракаҳои пешин бо нақши зиёди масоили сиёсати беруна, бояд фарқ намояд. Бо илова ба масоили муқобилаистии иқтисодӣ бо Чин ва масъалаи ҷазираи Тайван, ҳамчунин мавқеи номзадҳои кунунӣ бобати муноқиша дар Украина, муҳим арзёбӣ мегардад. Вобаста ба ин масъала Роберт Кеннедии хурдӣ зимни суҳбат бо хабарнигори шабакаи телевизионии “Fox News” чунин андеша баён доштааст: “Муқобилаистии Маскав ва Киев барои мо, аз нуқтаи назари сиёсати сартосарӣ, масъалаи хеле ҷиддист. Зеро он боиси ба ҳам наздикшавии Русия ва Чин мегардад, ки ин барои мо нохушоянд аст”.
Дар ин маврид маъракаи интихоботии соли ояндаро таҳлилгарон шояд “муборизаи нафақахӯрон” номгузорӣ мекарданд. Агар дар он номзадҳое чун Никки Хейлии 51–сола ва Вивек Рамасвамии 37–сола ширкат намеварзиданд.
Т. ДАВЛАТ, “ҶТ”
Рӯзнома
