Бахшида ба Рӯзи забони давлатӣ дар шаҳри Душанбе як қатор чорабиниҳои фарҳангию фароғатӣ ва илмӣ-назариявӣ дар сатҳи баланд баргузор гардиданд.

Аз ҷумла дар Китобхонаи шаҳрии ба номи Абулқосим Лоҳутии пойтахт конференсияи илмӣ-назариявӣ таҳти унвони “Забон-омили асосии пойдории миллат” доир шуд.

Дар конференсия олимону мутахассисони соҳаи забоншиносӣ, коршиносон ва аҳли адаб иштирок намуда, доир ба паҳлӯҳои гуногуни забони давлатии Ҷумҳурии Тоҷикистон, аҳамияти забон дар таҳкими пояҳои давлатдорӣ, худшиносии миллӣ ва муаррифии давлату миллат дар арсаи байналмилалӣ ибрози андеша намуданд.

 Муниса ДОДОВА, “ҶТ”