Дар толори варзишии Мактаб - интернати ҷумҳуриявии ноҳияи Рӯшон ба ифтихори Рӯзи Модар миёни ҳашт дастаи наврасон, бонувон ва ҷавондухтарони ҷамоатҳои деҳоти ноҳия мусобиқаи волейбол баргузор гашт.

Сабқат бо ташаббуси Бахши кор бо ҷавонон ва варзиш дар ҳамкорӣ бо бахши кор бо занон ва оилаи Мақомоти иҷроияи маҳаллии ҳокимияти давлатии ноҳия сурат гирифта, ҳамаи дастаҳо дар он маҳорати баландро нишон доданд.

Аммо дар даври ниҳоӣ тими наврасони Вомар ҷойи аввалро ба даст оварда, ғолиби мусобиқа шуд. Дастаи наврасони Дерушон бошад сазовори зинаи дуюм ва тими калонсолони Вамар ҷойи серо соҳиб гардид.

Мудири бахши кор бо ҷавонон ва варзиш Қаландар Давлатмамадов ғолибонро бо ифтихоорномаю мукофотпулӣ сарафроз кард.

Машҳур ИМОМНАЗАРОВ, “ҶТ”