Хабарҳои кӯтоҳ
Сешанбе 30 Апрел 2024 03:27
ҳалли кадоме умдатар аст?
Чанд рӯз пеш баъди як чорабинӣ дар бинои мақомоти Прокуратураи ВМБК сӯи корхона равон шудам. Сари роҳ чанд тан аз ҷавонони маҳаллии маркази вилоятро вохӯрдам. Яке онҳо дуртар аз хонааш чоҳе барои ташноб меканду дигарҳо атрофи ӯ ҷамъ шуда, ҳазлгӯӣ мекарданд, ба қавле “коркун яктаю балегӯй садта”. Каме дуртар аз онҳо интизори сабукрав шудам, то барвақттар ба кор расида, маводеро омода кунам. Он лаҳза назарам ба пирамарде афтод, ки пеши ҷавонон омада, онҳоро насиҳат мекард, ки набояд вақти худро беҳуда гузаронанду монеаи кори ҳамдигар шаванд. Зеро ҷавонони бекор аз саҳар то бегоҳ вақти ҷавонписарро талаф карда, намегузоштанд, ки корашро бо маром анҷом диҳад. Вале пас аз шунидани ин ҳарфҳо ҷавонон ҳатто шарм ҳам накарда, ба пирамард эътироз намуданд, ки гӯё ӯ ба “суҳбати ҳамсолон” дахолат намудаст.
Сипас маълум шуд, ки ин мард падари ҳамон ҷавоне буд, ки хандақи ташноб меканд. Баъдан ҷавонписар ҳам дар канор наистода, ҳамсолонашро барои беҳурматӣ нисбати падараш сарзаниш мекард. Дар ин ҳангом аз куҷое модари ҷавонписар ва бародаронаш ҳозир шуданду ҷавонони бекор аҳли оиларо сарҷамъ дида, ба тангкӯчае ғайб заданд.
Банда савори сабукрав шуда, як иқтибосе аз шоир ва рӯзноманигори лаҳистонӣ Хенрик Ягодзинский ба ёдам омад: “Кор кор аст, аммо чизи судмандро ҳатман бояд анҷом дод”. Дар акси ҳол, агар аз боби мушкилоти ҷавонон ҳарф назанему роҳи ҳалли онҳоро наҷӯем, пас худ низ тамошобину фаъолиятамон бенатиҷа аст.
Мушкили бекорӣ миёни ҷавонони ВМКБ яке аз масъалаҳои доғи рӯз ба ҳисоб рафта, дар солҳои наздик ба пуррагӣ ҳаллу фасл намудани он номумкин аст. Дар ин бора ҳатто раиси ВМКБ Ёдгор Файзов дар охирин нишасти матбуотӣ бо рӯзноманигорон изҳор намуда гуфт, ки мувофиқи ҳисоботи оморӣ ва вазъи бозори меҳнати вилоят дар нимсолаи аввали соли равон 3 ҳазору 324 нафар барои пайдо кардани ҷойи кор ба шуъбаву бахшҳои Агентии меҳнат, муҳоҷират ва шуғли аҳолӣ муроҷиат карданд, ки ин теъдод хеле ҳам кам аст. Яъне дар асл шумораи бекорон дар сатҳи вилоят наздики 18 ҳазор нафар, ё худ чор маротиба зиёдтар буда, аксари бекорон ҷавононанд.
Ба иттилои роҳбарияти вилоят ҳоло барои соҳиби шуғл намудани ҷавонон аз тарафи Ҳукумати Ҷумҳурии Тоҷикистон ва дигар идораҳо грантҳои махсус ҷудо шуда, чунин ташаббус воқеан ояндаи нек дорад.
“Имрӯз дар ВМКБ корхонаҳои хурди истеҳсолии орду шир, шарбат, мебел, дару тирезаҳои чӯбиву пластикӣ, Кохи бонувон, коргоҳҳои дӯзандагӣ ва ғайра фаъолият доранду аксарияти кормандони онҳоро ҷавонон ташкил медиҳанд.
Бо зиёд намудани гранту қарзҳо, бахусус барои ҷавонон дар марказҳои шуғли аҳолии вилоят касбомӯзӣ ҳам афзуда, дар оянда наслҳои ояндасози кишвар метавонанд берун аз вилоят ба кор ҷалб шаванд. Зеро дар вилоят на ҳамаи онҳоро бо кор таъмин намудан имкон дорад” - иброз намуд раиси вилоят.
- Ҳоло ҷавонони зиёди вилоят дорои дониши хуб, донандаи забонҳову технологияи муосир мебошанд. Ба ҳолати ҳозира қариб 200 нафар ҷавон дар марказҳои инноватсионӣ – ҳисоббарории ширкатҳои ИМА кору фаъолият намуда, дар оянда нақша дорем, то ин шумораро ба 400 нафар расонем. Инчунин бахши хизматрасонии тарҷумонӣ низ байни ҷавонони вилоят таҳким хоҳад ёфт, - афзуд Ёдгор Файзов.
Дар урфият беҳуда нагуфтаанд, ки “Олим шудан осону одам шудан мушкил” ва шояд ин мавзӯъ бо масъалаи бекорӣ тавъам наояд. Аммо агар мушкили бекорӣ аз умдатарин мушкили сатҳи вилоят бошад, пас бо маънавиёту одобу рафтори ҷавонон, кӣ кор мекунад? Агар онҳо ба қавле забондону дорои маълумоти баланди технологӣ бошанд ва ниҳоят соҳиби кору фаъолият низ шаванд, вале ахлоқашон коста боқӣ бимонад, пас бо ин ҳол то куҷо мераванд?
Дар баробари касбомӯзиву соҳиби кор намудани ҷавонон сохторҳои дахлдорро мебояд, ки тарбияи маънавии наслҳои ояндасозро беш аз пеш ба инобат гирифта, баҳри рафъи камбудиҳо дар ин самт чораҷӯии воқеӣ намоянд.
Машҳур ИМОМНАЗАРОВ, “ҶТ”
Чанд рӯз пеш баъди як чорабинӣ дар бинои мақомоти Прокуратураи ВМБК сӯи корхона равон шудам. Сари роҳ чанд тан аз ҷавонони маҳаллии маркази вилоятро вохӯрдам. Яке онҳо дуртар аз хонааш чоҳе барои ташноб меканду дигарҳо атрофи ӯ ҷамъ шуда, ҳазлгӯӣ мекарданд, ба қавле “коркун яктаю балегӯй садта”. Каме дуртар аз онҳо интизори сабукрав шудам, то барвақттар ба кор расида, маводеро омода кунам. Он лаҳза назарам ба пирамарде афтод, ки пеши ҷавонон омада, онҳоро насиҳат мекард, ки набояд вақти худро беҳуда гузаронанду монеаи кори ҳамдигар шаванд. Зеро ҷавонони бекор аз саҳар то бегоҳ вақти ҷавонписарро талаф карда, намегузоштанд, ки корашро бо маром анҷом диҳад. Вале пас аз шунидани ин ҳарфҳо ҷавонон ҳатто шарм ҳам накарда, ба пирамард эътироз намуданд, ки гӯё ӯ ба “суҳбати ҳамсолон” дахолат намудаст.
Сипас маълум шуд, ки ин мард падари ҳамон ҷавоне буд, ки хандақи ташноб меканд. Баъдан ҷавонписар ҳам дар канор наистода, ҳамсолонашро барои беҳурматӣ нисбати падараш сарзаниш мекард. Дар ин ҳангом аз куҷое модари ҷавонписар ва бародаронаш ҳозир шуданду ҷавонони бекор аҳли оиларо сарҷамъ дида, ба тангкӯчае ғайб заданд.
Банда савори сабукрав шуда, як иқтибосе аз шоир ва рӯзноманигори лаҳистонӣ Хенрик Ягодзинский ба ёдам омад: “Кор кор аст, аммо чизи судмандро ҳатман бояд анҷом дод”. Дар акси ҳол, агар аз боби мушкилоти ҷавонон ҳарф назанему роҳи ҳалли онҳоро наҷӯем, пас худ низ тамошобину фаъолиятамон бенатиҷа аст.
Мушкили бекорӣ миёни ҷавонони ВМКБ яке аз масъалаҳои доғи рӯз ба ҳисоб рафта, дар солҳои наздик ба пуррагӣ ҳаллу фасл намудани он номумкин аст. Дар ин бора ҳатто раиси ВМКБ Ёдгор Файзов дар охирин нишасти матбуотӣ бо рӯзноманигорон изҳор намуда гуфт, ки мувофиқи ҳисоботи оморӣ ва вазъи бозори меҳнати вилоят дар нимсолаи аввали соли равон 3 ҳазору 324 нафар барои пайдо кардани ҷойи кор ба шуъбаву бахшҳои Агентии меҳнат, муҳоҷират ва шуғли аҳолӣ муроҷиат карданд, ки ин теъдод хеле ҳам кам аст. Яъне дар асл шумораи бекорон дар сатҳи вилоят наздики 18 ҳазор нафар, ё худ чор маротиба зиёдтар буда, аксари бекорон ҷавононанд.
Ба иттилои роҳбарияти вилоят ҳоло барои соҳиби шуғл намудани ҷавонон аз тарафи Ҳукумати Ҷумҳурии Тоҷикистон ва дигар идораҳо грантҳои махсус ҷудо шуда, чунин ташаббус воқеан ояндаи нек дорад.
“Имрӯз дар ВМКБ корхонаҳои хурди истеҳсолии орду шир, шарбат, мебел, дару тирезаҳои чӯбиву пластикӣ, Кохи бонувон, коргоҳҳои дӯзандагӣ ва ғайра фаъолият доранду аксарияти кормандони онҳоро ҷавонон ташкил медиҳанд.
Бо зиёд намудани гранту қарзҳо, бахусус барои ҷавонон дар марказҳои шуғли аҳолии вилоят касбомӯзӣ ҳам афзуда, дар оянда наслҳои ояндасози кишвар метавонанд берун аз вилоят ба кор ҷалб шаванд. Зеро дар вилоят на ҳамаи онҳоро бо кор таъмин намудан имкон дорад” - иброз намуд раиси вилоят.
- Ҳоло ҷавонони зиёди вилоят дорои дониши хуб, донандаи забонҳову технологияи муосир мебошанд. Ба ҳолати ҳозира қариб 200 нафар ҷавон дар марказҳои инноватсионӣ – ҳисоббарории ширкатҳои ИМА кору фаъолият намуда, дар оянда нақша дорем, то ин шумораро ба 400 нафар расонем. Инчунин бахши хизматрасонии тарҷумонӣ низ байни ҷавонони вилоят таҳким хоҳад ёфт, - афзуд Ёдгор Файзов.
Дар урфият беҳуда нагуфтаанд, ки “Олим шудан осону одам шудан мушкил” ва шояд ин мавзӯъ бо масъалаи бекорӣ тавъам наояд. Аммо агар мушкили бекорӣ аз умдатарин мушкили сатҳи вилоят бошад, пас бо маънавиёту одобу рафтори ҷавонон, кӣ кор мекунад? Агар онҳо ба қавле забондону дорои маълумоти баланди технологӣ бошанд ва ниҳоят соҳиби кору фаъолият низ шаванд, вале ахлоқашон коста боқӣ бимонад, пас бо ин ҳол то куҷо мераванд?
Дар баробари касбомӯзиву соҳиби кор намудани ҷавонон сохторҳои дахлдорро мебояд, ки тарбияи маънавии наслҳои ояндасозро беш аз пеш ба инобат гирифта, баҳри рафъи камбудиҳо дар ин самт чораҷӯии воқеӣ намоянд.
Машҳур ИМОМНАЗАРОВ, “ҶТ”
Рӯзнома
