Камолиддин Муминзод, раиси Кумитаи рушди сайёҳии назди Ҳукумати Ҷумҳурии Тоҷикистон ҷиҳати ташкил кардани намоиши рассомони тоҷик дар Олмон ва рассомони олмонӣ дар Тоҷикистон бо Афшин Дерамбахш намояндаи ташкилоти олмонии “Art and culture international” гуфтугу кардааст.

Дар ин бора аз дафтари матбуоти Кумитаи рушди сайёҳии назди Ҳукумати Ҷумҳурии Тоҷикистон хабар доданд.

Ба иттилои манбаъ, зимни мулоқот оид ба имкониятҳои сайёҳӣ, таърихӣ ва фарҳангии Тоҷикистон барои ҷалби сайёҳон гуфтугу сурат гирифтааст.

Ёдовар мешавем, ки ташкилоти “Art & Culture International” ҳамчун як ташкилоти ғайритиҷоратӣ дар лоиҳаҳои санъат ва фарҳанг дар санъати тасвирӣ ва иҷроӣ инчунин дар мусиқӣ ҳам дар Олмон ва ҳам дар хориҷа иштирок намуда, ҳадаф мусоидат ба табодули фарҳангии миллӣ ва байналмилалӣ, табодули афкори байналмилалӣ байни рассомон, инчунин таблиғ ва нашри китобҳо мебошад.

Наҷиба МУРОДБЕКОВА, “ҶТ”