ҶОМЕА
Душанбе 25 Май 2026 01:20
Амнияти давлату ҷомеаро таъмин кардан, Модар-Ватанро баробари ҷони худ дӯст доштан, онро далеронаву ҷавонмардона ҳимоя кардан ва содиқ будан ба миллату давлати худ ва муқаддасоти миллӣ, вазифаи ҷонӣ ва қарзи фарзандии ҳар як афсару сарбоз, тамоми хизматчиёни Қувваҳои Мусаллаҳ, ҳамаи кормандони мақомоти ҳифзи ҳуқуқи кишвар ва ҳар як фарди бо нангу номуси ҷомеа мебошад.
Эмомалӣ Раҳмон
Дар Ҷумҳурии Тоҷикистон шуруъ аз 1 апрели соли ҷорӣ даъвати баҳории шаҳрвандон ба сафи Қувваҳои Мусаллаҳи кишвар оғоз гардид, ки аллакай дар рӯзи аввали даъват баъзе аз минтақаҳои кишвар нақшаро ба таври пурра иҷро намуданд.
Ба иттилои маркази матбуоти Вазорати мудофиаи кишвар, чун ҳамасола имсол низ нахуст шуда Вилояти Мухтори Кӯҳистони Бадахшон аз иҷрои пурраи нақшаи пешбинигардида гузориш дод.
Дар ин замина, вилояти Хатлон нисбати солҳои қабл пешсаф буда, нишондиҳандаҳои назаррас дорад ва дар нахустин рӯзи даъвати ҷавонон ба хизмати ҳарбӣ аз иҷрои пурраи нақша хабар доданд.
Ҳамзамон, баъзе аз шаҳру ноҳияҳои тобеи ҷумҳурӣ, аз ҷумла Рашт, Сангвор, Тоҷикобод, Лахш ва Нуробод нақшаи даъвати баҳориро пурра иҷро намуданд.
Айни замон нақшаи даъвати ҷавонон ба хизмати ҳарбӣ дар сатҳи ҷумҳурӣ 54,3 фоизро ташкил менамояд.
Бояд гуфт, ки Фармони даъвати баҳории шаҳрвандон ба сафи Қувваҳои Мусаллаҳи Ҷумҳурии Тоҷикистон аз ҷониби Президенти Ҷумҳурии Тоҷикистон муҳтарам Эмомалӣ Рамҳмон аз 28 феврали соли ҷорӣ содир шуда буд. Аз ҷумла, дар Фармони Сарвари давлат чунин омадааст: “Моҳҳои апрел-майи соли 2026 шаҳрвандони ҷинси марди аз 18 то 27-сола, ки то рӯзи даъват ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон даъват карда шаванд”.
Дар асоси фармони мазкур даъвати навбатии шаҳрвандони солҳои таваллуди 1999-2008-и Ҷумҳурии Тоҷикистон ба хизмати ҳарбӣ ва тибқи муқаррароти моддаи 34-и Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” дар тамоми шаҳру ноҳияҳои ҷумҳурӣ ҷараён дорад.
ҶАВОНОН ТО КАДОМ АНДОЗА БА ХИЗМАТИ ҲАРБӢ ОМОДААНД?
Аз рӯи нишондиҳандаҳои боло чунин бармеояд, ки сафи ҷавононе, ки мехоҳанд ба Қувваҳои Мусаллаҳи Ҷумҳурии Тоҷикистон бипайванданд, сол аз сол дар ҳоли афзоиш аст. Ба гуфтаи таҳлилгарон, ин аз ҳисси баланди ватандӯстӣ ва хештаншиносии онҳо дарак медиҳад.
Беҳрӯз Раҳимзода, ҷавони 21 солаест, ки айни ҳол донишҷӯ аст ва хизмат ба ватанро қарзу шарафи ҳар ҷавонмарди бонангу номуси диёр мешуморад. Беҳрӯз мегӯяд, пас аз хатми донишгоҳ дар сафи Қувваҳои Мусаллаҳи кишвар адои хизмат хоҳад кард, чун суханҳои Пешвои миллат дар ин маврид ба ӯ илҳом мебахшанд.
- Айни ҳол донишҷӯ ҳастам ва ният дорам, ки пас аз хатми донишгоҳ ба сафи Қувваҳои Мусаллаҳ пайвандам, чунки инсон дар он ҷо пурсабру пуртоқат мешавад ва роҳи худро дар зиндагӣ пайдо мекунад. Пешвои миллат ҳамеша дар суханрониҳояшон ба ҷавонон такя мекунанд. Ҳатман бояд хизмати Ватан-Модарро адо намоем ва ин ба ман илҳом мебахшад, - гуфт номбурда.
Нафароне, ки хизмати ҳарбиро адо намудаанд, аз он хотираҳои фаромӯшнашаванда ва хотирмоне бо худ доранд.
Саидалӣ Ашуров, ки хизмати ҳарбиро адо намудааст, аз он дарси мардонагӣ ва эҳтироми ватанро омӯхтааст.
- Ман аз хизмати ҳарбӣ интизом, масъулият ва эҳтироми ватанро омӯхтам. Омодагии ҷангӣ бошад, ҳамчун малакаи ҳарбӣ бо ман мондааст. Хотираҳои фаромӯшнашаванда, масъулиятшиносӣ, ёди беҳтарин рафиқон дар ёду хотиротам мондааст, - гуфт Ашуров.
Ӯ ҷавононро ба хизмати ҳарбӣ даъват карда, мегӯяд, ки дар қисмҳои низомӣ аз ҷониби давлату Ҳукумати кишвар шароитҳои хуб барои ҷавонон муҳайё гардидааст. Ғайр аз ин, ӯ хизмати ҳарбиро барои ҳар як ҷавон фарз ва қарз хонд.
- Ба ҷавонмардони шуҷои ватан ва ояндаи мамлакатамон гуфтаниам, ки ҳамеша барои адои хизмат омода бошанд. Бо боварӣ гуфта метавонам, ки онҳо беҳтарин лаҳзаҳои зиндагии худро дар он ҷо таҷриба мекунанд. Рафиқони зиёд, хотираҳои фаромӯшнашаванда он ҷо ҷавононро интизор аст. Аз ҳама муҳим хизмат баҳри Ватан-Модари хеш ба ҳар як ҷавон ҳисси ифтихор медиҳад, - илова кард, номбурда.
Бояд гуфт, ки воқеан ҳам, Пешвои миллат муҳтарам Эмомалӣ Раҳмон дар бештаре аз суханрониҳояшон ҷавононро ифтихори миллат шуморида, онҳоро пояи асосии давлатдорӣ ва неруи асосии рушди ҷомеа медонанд.
Аз ҷумла, Пешвои миллат дар як суханрониашон чунин иброз медоранд: “Мо ифтихор дорем, ки ҷавононамон нисбат ба Ватан меҳру муҳаббати самимӣ доранд, Ватанро сидқан дӯст медоранд, ба арзишҳо ва муқаддасоти миллӣ арҷ мегузоранд, иродаи мустаҳкам доранд ва сиёсати пешгирифтаи давлату Ҳукумати мамлакатро бо ҳисси баланди миллӣ ва эҳсоси худшиносиву худогоҳӣ дастгирӣ мекунанд”.
САФИ ХОҲИШМАНДОН АФЗУДААСТ
Аз оморҳо ва нишондиҳандаҳои солҳои ахир чунин бармеояд, ки сол аз сол сафи хоҳишмандон ба хизмати ҳарбӣ меафзояд ва инро коршиносон ба таваҷҷуҳи хоссаи давлату Ҳукумати кишвар, ки ба қимсҳои низомӣ карда мешавад, рабт медиҳанд.
Ва инчунин яке аз омилҳои муҳими зиёд шудани хоҳишмандонро таҳлилгарон ба ташаккули ҳисси ватандустӣ ва худшиносии миллӣ дар замири ҳар як ҷавон арзёбӣ мекунанд.
Ба назари ҷомеашинос, Адиба Нурматова, зиёд шудани сафи хоҳишмандон аз афзудани ватандӯстии ҷавонон гувоҳӣ медиҳад. Инчунин, ин ҷомеашиноси тоҷик яке аз омилҳои асосии афзоиш ёфтани сафи хоҳишмандон ба хизмати ҳарбиро дар тағйирёбии тафаккури ҷавонон мебинад. Ба гуфтаи ӯ, ин рушди тафаккури онҳост, ки ҷавонони муосир хоҳиши рафтан ба хизмати ҳарбиро доранд.
- Масалан, аввал барои ҷавонон вақт арзиш надошт ва онҳо то 27-солагӣ аз хизмати ҳарбӣ саркашӣ менамуданд. Айни ҳол онҳо пай бурдаанд, ки дар ҳолати 5-6 соли саркашӣ аз хизмат тамоми малакаву қобилиятҳои худро аз даст медиҳанд, - иброз дошт, ҷомеашинос.
Ба гуфтаи Нурматова, имрӯз ҷавонон кӯшиш мекунанд, ки ҳарчи бештар вақти худро самаранок истифода намоянд ва ҳатто аз наврасии худ кор ё фаъолияти волонтёриро оғоз менамоянд.
- Ба онҳо муфид аст, ки пас аз хатми донишгоҳ як сол хизмат намуда, ба зиндагии худ машғул шаванд. Дар як соле ки онҳо хизмат мекунанд, малака ва дониш фаромӯш ва куҳна намешавад. Пас аз баргаштан онҳо озодона ба тиҷорат машғул мешаванд, ба таври расмӣ дар корхонаҳо кору фаъолият мекунанд, - афзуд номбурда.
ҶАВОНИ ХИЗМАТДИДА - СОҲИБИ МАЛАКА ВА МАҲОРАТҲОИ НАВ
Аз нигоҳи равонӣ, ҷавононе, ки ба хизмати ҳарбӣ мераванд, аз ҷавононе, ки адои хизмат накардаанд, ба куллӣ фарқ мекунанд. Ба гуфтаи равоншиносон, хизмати ҳарбӣ ба руҳияи ҳар як ҷавон таъсири амиқтар дорад ва метавонад дар замири ҳар як ҷавон ҳисси ҷавонмардӣ ва зиндагии мустақилро ташаккул диҳад.
Аз нигоҳи равоншинос Умед Ҳамидов, хизмати ҳарбӣ дар ҷавонон боиси обутобёбии ҷисм ва аз бар кардани ҳунарҳо, аз қабили идоракунии механизми муайян, тарзи истифодаи силоҳи оташфишон, шиноварӣ ва аз бар кардани донишҳои нав мегардад.
- Ҷавони хизматдида соҳиби иддае аз маҳоратҳои нав мегардад, ки дар ҳаёти минбаъда метавонад барояш лозим бошад. Ва ин ҳама барояш бо ба даст овардани билети ҳарбӣ хусусияти расмиро пайдо хоҳад кард, ки дар пайи он ҷавон имкон пайдо мекунад, дар ин ё он сохторҳои қудратӣ ва ё муассисаҳои ҳимоятгари ҳуқуқу тартибот кору фаъолият карда бошад, - гуфт Ҳамидов.
Ба андешаи коршиносон имрӯз ҷавонони тоҷик барои пайваст шудан ба сафи Қувваҳои Мусаллаҳи Ҷумҳурии Тоҷикистон пурра омода ҳастанд, чун дарк намудаанд, ки ҳимояи марзу бум, ҳимояи хоки ватан, ҳимояи Модару хоҳар ва миллати худ аст.
Сафиаллоҳ ИБОДЗОДА, “ҶТ”
Эмомалӣ Раҳмон
Дар Ҷумҳурии Тоҷикистон шуруъ аз 1 апрели соли ҷорӣ даъвати баҳории шаҳрвандон ба сафи Қувваҳои Мусаллаҳи кишвар оғоз гардид, ки аллакай дар рӯзи аввали даъват баъзе аз минтақаҳои кишвар нақшаро ба таври пурра иҷро намуданд.
Ба иттилои маркази матбуоти Вазорати мудофиаи кишвар, чун ҳамасола имсол низ нахуст шуда Вилояти Мухтори Кӯҳистони Бадахшон аз иҷрои пурраи нақшаи пешбинигардида гузориш дод.
Дар ин замина, вилояти Хатлон нисбати солҳои қабл пешсаф буда, нишондиҳандаҳои назаррас дорад ва дар нахустин рӯзи даъвати ҷавонон ба хизмати ҳарбӣ аз иҷрои пурраи нақша хабар доданд.
Ҳамзамон, баъзе аз шаҳру ноҳияҳои тобеи ҷумҳурӣ, аз ҷумла Рашт, Сангвор, Тоҷикобод, Лахш ва Нуробод нақшаи даъвати баҳориро пурра иҷро намуданд.
Айни замон нақшаи даъвати ҷавонон ба хизмати ҳарбӣ дар сатҳи ҷумҳурӣ 54,3 фоизро ташкил менамояд.
Бояд гуфт, ки Фармони даъвати баҳории шаҳрвандон ба сафи Қувваҳои Мусаллаҳи Ҷумҳурии Тоҷикистон аз ҷониби Президенти Ҷумҳурии Тоҷикистон муҳтарам Эмомалӣ Рамҳмон аз 28 феврали соли ҷорӣ содир шуда буд. Аз ҷумла, дар Фармони Сарвари давлат чунин омадааст: “Моҳҳои апрел-майи соли 2026 шаҳрвандони ҷинси марди аз 18 то 27-сола, ки то рӯзи даъват ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон даъват карда шаванд”.
Дар асоси фармони мазкур даъвати навбатии шаҳрвандони солҳои таваллуди 1999-2008-и Ҷумҳурии Тоҷикистон ба хизмати ҳарбӣ ва тибқи муқаррароти моддаи 34-и Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” дар тамоми шаҳру ноҳияҳои ҷумҳурӣ ҷараён дорад.
ҶАВОНОН ТО КАДОМ АНДОЗА БА ХИЗМАТИ ҲАРБӢ ОМОДААНД?
Аз рӯи нишондиҳандаҳои боло чунин бармеояд, ки сафи ҷавононе, ки мехоҳанд ба Қувваҳои Мусаллаҳи Ҷумҳурии Тоҷикистон бипайванданд, сол аз сол дар ҳоли афзоиш аст. Ба гуфтаи таҳлилгарон, ин аз ҳисси баланди ватандӯстӣ ва хештаншиносии онҳо дарак медиҳад.
Беҳрӯз Раҳимзода, ҷавони 21 солаест, ки айни ҳол донишҷӯ аст ва хизмат ба ватанро қарзу шарафи ҳар ҷавонмарди бонангу номуси диёр мешуморад. Беҳрӯз мегӯяд, пас аз хатми донишгоҳ дар сафи Қувваҳои Мусаллаҳи кишвар адои хизмат хоҳад кард, чун суханҳои Пешвои миллат дар ин маврид ба ӯ илҳом мебахшанд.
- Айни ҳол донишҷӯ ҳастам ва ният дорам, ки пас аз хатми донишгоҳ ба сафи Қувваҳои Мусаллаҳ пайвандам, чунки инсон дар он ҷо пурсабру пуртоқат мешавад ва роҳи худро дар зиндагӣ пайдо мекунад. Пешвои миллат ҳамеша дар суханрониҳояшон ба ҷавонон такя мекунанд. Ҳатман бояд хизмати Ватан-Модарро адо намоем ва ин ба ман илҳом мебахшад, - гуфт номбурда.
Нафароне, ки хизмати ҳарбиро адо намудаанд, аз он хотираҳои фаромӯшнашаванда ва хотирмоне бо худ доранд.
Саидалӣ Ашуров, ки хизмати ҳарбиро адо намудааст, аз он дарси мардонагӣ ва эҳтироми ватанро омӯхтааст.
- Ман аз хизмати ҳарбӣ интизом, масъулият ва эҳтироми ватанро омӯхтам. Омодагии ҷангӣ бошад, ҳамчун малакаи ҳарбӣ бо ман мондааст. Хотираҳои фаромӯшнашаванда, масъулиятшиносӣ, ёди беҳтарин рафиқон дар ёду хотиротам мондааст, - гуфт Ашуров.
Ӯ ҷавононро ба хизмати ҳарбӣ даъват карда, мегӯяд, ки дар қисмҳои низомӣ аз ҷониби давлату Ҳукумати кишвар шароитҳои хуб барои ҷавонон муҳайё гардидааст. Ғайр аз ин, ӯ хизмати ҳарбиро барои ҳар як ҷавон фарз ва қарз хонд.
- Ба ҷавонмардони шуҷои ватан ва ояндаи мамлакатамон гуфтаниам, ки ҳамеша барои адои хизмат омода бошанд. Бо боварӣ гуфта метавонам, ки онҳо беҳтарин лаҳзаҳои зиндагии худро дар он ҷо таҷриба мекунанд. Рафиқони зиёд, хотираҳои фаромӯшнашаванда он ҷо ҷавононро интизор аст. Аз ҳама муҳим хизмат баҳри Ватан-Модари хеш ба ҳар як ҷавон ҳисси ифтихор медиҳад, - илова кард, номбурда.
Бояд гуфт, ки воқеан ҳам, Пешвои миллат муҳтарам Эмомалӣ Раҳмон дар бештаре аз суханрониҳояшон ҷавононро ифтихори миллат шуморида, онҳоро пояи асосии давлатдорӣ ва неруи асосии рушди ҷомеа медонанд.
Аз ҷумла, Пешвои миллат дар як суханрониашон чунин иброз медоранд: “Мо ифтихор дорем, ки ҷавононамон нисбат ба Ватан меҳру муҳаббати самимӣ доранд, Ватанро сидқан дӯст медоранд, ба арзишҳо ва муқаддасоти миллӣ арҷ мегузоранд, иродаи мустаҳкам доранд ва сиёсати пешгирифтаи давлату Ҳукумати мамлакатро бо ҳисси баланди миллӣ ва эҳсоси худшиносиву худогоҳӣ дастгирӣ мекунанд”.
САФИ ХОҲИШМАНДОН АФЗУДААСТ
Аз оморҳо ва нишондиҳандаҳои солҳои ахир чунин бармеояд, ки сол аз сол сафи хоҳишмандон ба хизмати ҳарбӣ меафзояд ва инро коршиносон ба таваҷҷуҳи хоссаи давлату Ҳукумати кишвар, ки ба қимсҳои низомӣ карда мешавад, рабт медиҳанд.
Ва инчунин яке аз омилҳои муҳими зиёд шудани хоҳишмандонро таҳлилгарон ба ташаккули ҳисси ватандустӣ ва худшиносии миллӣ дар замири ҳар як ҷавон арзёбӣ мекунанд.
Ба назари ҷомеашинос, Адиба Нурматова, зиёд шудани сафи хоҳишмандон аз афзудани ватандӯстии ҷавонон гувоҳӣ медиҳад. Инчунин, ин ҷомеашиноси тоҷик яке аз омилҳои асосии афзоиш ёфтани сафи хоҳишмандон ба хизмати ҳарбиро дар тағйирёбии тафаккури ҷавонон мебинад. Ба гуфтаи ӯ, ин рушди тафаккури онҳост, ки ҷавонони муосир хоҳиши рафтан ба хизмати ҳарбиро доранд.
- Масалан, аввал барои ҷавонон вақт арзиш надошт ва онҳо то 27-солагӣ аз хизмати ҳарбӣ саркашӣ менамуданд. Айни ҳол онҳо пай бурдаанд, ки дар ҳолати 5-6 соли саркашӣ аз хизмат тамоми малакаву қобилиятҳои худро аз даст медиҳанд, - иброз дошт, ҷомеашинос.
Ба гуфтаи Нурматова, имрӯз ҷавонон кӯшиш мекунанд, ки ҳарчи бештар вақти худро самаранок истифода намоянд ва ҳатто аз наврасии худ кор ё фаъолияти волонтёриро оғоз менамоянд.
- Ба онҳо муфид аст, ки пас аз хатми донишгоҳ як сол хизмат намуда, ба зиндагии худ машғул шаванд. Дар як соле ки онҳо хизмат мекунанд, малака ва дониш фаромӯш ва куҳна намешавад. Пас аз баргаштан онҳо озодона ба тиҷорат машғул мешаванд, ба таври расмӣ дар корхонаҳо кору фаъолият мекунанд, - афзуд номбурда.
ҶАВОНИ ХИЗМАТДИДА - СОҲИБИ МАЛАКА ВА МАҲОРАТҲОИ НАВ
Аз нигоҳи равонӣ, ҷавононе, ки ба хизмати ҳарбӣ мераванд, аз ҷавононе, ки адои хизмат накардаанд, ба куллӣ фарқ мекунанд. Ба гуфтаи равоншиносон, хизмати ҳарбӣ ба руҳияи ҳар як ҷавон таъсири амиқтар дорад ва метавонад дар замири ҳар як ҷавон ҳисси ҷавонмардӣ ва зиндагии мустақилро ташаккул диҳад.
Аз нигоҳи равоншинос Умед Ҳамидов, хизмати ҳарбӣ дар ҷавонон боиси обутобёбии ҷисм ва аз бар кардани ҳунарҳо, аз қабили идоракунии механизми муайян, тарзи истифодаи силоҳи оташфишон, шиноварӣ ва аз бар кардани донишҳои нав мегардад.
- Ҷавони хизматдида соҳиби иддае аз маҳоратҳои нав мегардад, ки дар ҳаёти минбаъда метавонад барояш лозим бошад. Ва ин ҳама барояш бо ба даст овардани билети ҳарбӣ хусусияти расмиро пайдо хоҳад кард, ки дар пайи он ҷавон имкон пайдо мекунад, дар ин ё он сохторҳои қудратӣ ва ё муассисаҳои ҳимоятгари ҳуқуқу тартибот кору фаъолият карда бошад, - гуфт Ҳамидов.
Ба андешаи коршиносон имрӯз ҷавонони тоҷик барои пайваст шудан ба сафи Қувваҳои Мусаллаҳи Ҷумҳурии Тоҷикистон пурра омода ҳастанд, чун дарк намудаанд, ки ҳимояи марзу бум, ҳимояи хоки ватан, ҳимояи Модару хоҳар ва миллати худ аст.
Сафиаллоҳ ИБОДЗОДА, “ҶТ”
Хабарҳои дигар
Рӯзнома
Эзоҳи худро нависед