18 июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Раиси Ҷумҳурии Исломии Эрон муҳтарам Масъуд Пизишкиён, Президенти Иёлоти Муттаҳидаи Амрико муҳтарам Доналд Ҷон Трамп ва Сарвазири Ҷумҳурии Исломии Покистон муҳтарам Шаҳбоз Шариф ба муносибати дастёбӣ ба созиши сулҳ миёни Иёлоти Муттаҳидаи Амрико ва Ҷумҳурии Исломии Эрон барқияҳои табрикӣ ирсол намуданд.

Дар ин бора аз дафтари матбуоти Президенти кишвар хабар доданд.

Пешвои миллат дар барқияҳои табрикии худ афзудааст, ки Ҷумҳурии Тоҷикистон ҳамчун кишвари сулҳпарвар ва ҷонибдори ҳалли ҳама ихтилофоту низоъҳо тавассути музокирот ва муколамаи дипломатӣ, аз ин рӯйдоди муҳим истиқбол менамояд.

Бо ҳамин Пешвои миллат Раиси Ҷумҳурии Исломии Эрон муҳтарам Масъуд Пизишкиён, Президенти Иёлоти Муттаҳидаи Амрико муҳтарам Доналд Ҷон Трамп ва Сарвазири Ҷумҳурии Исломии Покистон муҳтарам Шаҳбоз Шариф саломативу бурдборӣ хоста, ба мардумони ин кишварҳо сулҳу осоиши пойдор ва пешрафту шукуфоии бардавом орзу намудааст.