Аз даври сеюм таҷҳизотҳои нави системаи VAR мавриди истифода қарор мегиранд

Бо дастуру супоришҳои президенти Федератсияи футболи Тоҷикистон муҳтарам Рустами Эмомалӣ Лигаи футболи кишвар системаи иловагии VAR-ро харидорӣ кард. Ҳадафи асосии ин супориш баланд бардоштани сифати доварӣ ва таъмини аксари шаффофият дар қабули қарорҳои доварон мебошад.

Таҷҳизотро аз ширкати чинии “Rigour Tech”, ки соҳиби сертификати Федератсияи байналмилалии футбол мебошад, дастрас карданд.

Инчунин, системаи хати офсайди виртуалӣ низ ворид карда шуд, ки барои беҳтар шудани дақиқии тафтиши ҳолатҳои баҳсбарангез ёрӣ мерасонад.

Дар маросими муаррифӣ ноибони президенти Федератсияи футболи Тоҷикистон Алишер Урунов ва Сайвалӣ Дониёрзода, директори Лигаи футболи Тоҷикистон Субҳон Шодиев, сардори Раёсати доварони Федератсия Рустам Абдуллоев, инчунин довароне, ки дар мавсими 2026 дар лигаҳои олӣ ва якуми кишвар фаъолият мекунанд, иштирок намуданд.

Аллакай аз даври сеюми бозиҳои Лигаи олии Тоҷикистон-2026 таҷҳизотҳои нав мавриди истифода қарор мегиранд.

Шаҳноза АЗИМОВА, “ҶТ”