Ба истиқболи 35-солагии Истиқлоли давлатии Ҷумҳурии Тоҷикистон дар деҳаи Работи шаҳри Конибодом бо иштироки раиси вилояти Суғд Раҷаббой Аҳмадзода майдончаи варзишии замонавӣ ба истифода дода шуд.

Майдончаи мазкур бо ташаббуси аҳолии ин деҳа бо тарҳи зебову замонавӣ ва ҷавобгӯ ба талаботҳои муосири сохтмонӣ сохта шуда, ҳамчун як макони нерумандиву солимӣ, ташаккули ҷисмониву маънавӣ ва парвариши насли ҷавону навраси ҷомеа мебошад.

Гуфта мешавад, ҷиҳати шабона низ ба варзиш машғул шудан, дар атрофи майдонча чароғҳои равшанидиҳанда насб карда шудааст.

Зимни ифтитоҳи он таъкид гардид, ки ба истиқболи 35-солагии Истиқлоли давлатӣ дар вилоят беш аз 12 ҳазор иншоотҳои гуногун бунёд карда мешавад.