21-23 октябр дар шаҳри Абу – Дабии Аморати Муттаҳидаи Араб мусобиқаи Тоскулоҳи бузург (“Abu Dhabi Grand Slam 2022”) баргузор шуд.

Ҷудокори варзидаи тоҷик Темур Раҳимов (+100 кг) дар рақобатҳои мазкур ҳунари воло нишон дода, ба гирифтани нишони биринҷӣ мушарраф шуд.

Ёдовар мешавем, ки дар даври нимниҳоӣ Темур Раҳимов бо ҷудокори бомаҳорати чех ва 2 карат қаҳрамони Бозиҳои Олимпӣ - Лукас Крпалеки 31 сола сабқат кард. Дар ҷараёни рақобат ҳар ду ҷудокор аз худ маҳорати хуб нишон доданд, аммо дар рафти сабқат Темур осеб бардошт ва бинобар ин ғолибият насиби Крпалек гардид.

Дар рӯзи охири сабқатҳо Темур Раҳимов бо Мариус Физел аз Словакия барои ба даст овардани нишони биринҷӣ қувваозмоӣ кард. Ҷудокори таҷрибадори тоҷик дар сабқати мазкур аз худ ҳунари баланди варзиши нишон дода, тавонист миёни сангинвазнҳо барандаи нишони биринҷии “Abu Dhabi Grand Slam 2022” гардад.

Қайд кардан ба маврид аст, ки пас аз ин пирӯзӣ Темур ҳамчунин соҳиби 500 имтиёзӣ олимпӣ гардид.