ВАРЗИШ
Панҷшанбе 25 Июн 2026 02:18
Рақобатҳои даври дуюми марҳилаи гурӯҳии Ҷоми ҷаҳонии футбол-2026 то имрӯз нишон доданд, ки мубориза барои роҳхат ба марҳилаи плей-офф рӯз аз рӯз шадидтар мешавад. Агар даври аввал бештар бо эҳтиёткорӣ ва омӯзиши рақибон гузашта бошад, дар даври дуюм аксари мунтахабҳо маҷбур шуданд бо фишори бештар вориди майдон шаванд, зеро ҳар иштибоҳ метавонист арзиши аз даст рафтани роҳхатро дошта бошад.
То имрӯз дар доираи даври дуюм 28 бозӣ баргузор гардида, дар онҳо 84 гол ба самар расидааст, ки ба ҳисоби миёна 3 гол дар ҳар бозӣ рост меояд. Ин омор нишон медиҳад, ки Ҷоми ҷаҳонии имсола аз лиҳози самаранокӣ яке аз пурголтарин мусобиқот дар солҳои охир ба ҳисоб меравад.
Дар гурӯҳи “А” мунтахаби Мексика мавқеи пешсафии худро мустаҳкам кард. Мексика баъди пирӯзӣ бар Кореяи Ҷанубӣ бо ҳисоби 1 бар 0 шаш имтиёз ба даст оварда, ба марҳилаи баъдӣ роҳ ёфт. Дар бозии дигари гурӯҳ Чехия ва Африқои Ҷанубӣ мусовии 1:1 карданд, ки вазъи гурӯҳро боз ҳам печидатар намуд.
Дар гурӯҳи “В” яке аз бузургтарин пирӯзиҳои даври дуюм сабт шуд. Канада бо бозии бисёр ҳамлагарона Қатарро бо ҳисоби калони 6 бар 0 шикаст дод. Ин на танҳо пирӯзии калон, балки яке аз намоишҳои рақобати серголи даври гурӯҳӣ то имрӯз ба шумор меравад. Ҳамзамон, Швейтсария Босния ва Ҳерсеговинаро 4 бар 1 мағлуб карда, барои роҳхат муборизаро идома медиҳад.
Дар гурӯҳи “С” Бразилия баъд аз мусовии даври аввал ниҳоят чеҳраи пирӯзиовари худро нишон дод. Бразилиҳо бо ҳисоби 3 бар 0 бар Ҳаитӣ ғалаба карда, ба сафи довталабони асосӣ барои унвон бори дигар ворид шуданд. Дар рақобати дигар бошад, Марокаш бо пирӯзии минималии 1 бар 0 бар Шотландия ғалаба кард.
Дар гурӯҳи “D” Иёлоти Муттаҳидаи Амрико бозии хуб нишон дода, Австралияро 2 бар 0 шикаст дод. Амрико бо ин пирӯзӣ аз дунболи Мексика роҳхат ба плей-оффро ҳал кард. Дар бозии дигар Парагвай бар Туркия бо ҳисоби 1 бар 0 дастболо шуд.
Дар гурӯҳи “Е” Олмон бори дигар қудрати худро нишон дод. Олмониҳо баъди пирӯзии бузурги 7:1 дар даври аввал, ин дафъа Кот-д’Ивуарро бо ҳисоби 2 бар 1 шикаст дода, шаш имтиёз гирифтанд. Вохӯрии Эквадор ва Кюрасао бошад, бидуни гол анҷом ёфт.
Дар гурӯҳи “F” мухлисон шоҳиди яке аз тамошобобтарин рақобатҳо гардиданд. Нидерланд бо ҳисоби калони 5 бар 1 Шветсияро мағлуб кард. Ҳамзамон, Ҷопон бо ғалабаи 4 бар 0 бар Тунис нишон дод, ки аз дастаҳои ҷиддии мусобиқот аст.
Дар гурӯҳи “G” рақобат шадид боқӣ мемонад. Белгия ва Эрон натавонистанд ҳисобро боз кунанд - 0:0. Аммо Миср бар Зеландияи Нав бо ҳисоби 3 бар 1 пирӯз шуд.
Дар гурӯҳи “H” Испания яке аз пирӯзиҳои мутмаинтарини худро ба даст овард, 4 бар 0 муқобили Арабистони Саудӣ. Дар бозии дигари гурӯҳ Уругвай ғайриинтизор бо Кабо-Верде мусовии 2:2 кард. Кабо-Верде то ин лаҳза сенсатсияи асосии мусобиқот маҳсуб мешавад.
Дар гурӯҳи “I” Фаронса бо ҳисоби 3- 0 бар Ироқ ғалаба кард. Дар бозии дигари гурӯҳ Норвегия дар рақобати пуршиддат Сенегалро 3 бар 2 шикаст дод.
Дар гурӯҳи “J” Аргентина бо пирӯзии 2-0 бар Австрия мавқеи худро мустаҳкам кард. Ҳамзамон, Алҷазоир бар Урдун бо ҳисоби 2-1 ғалаба намуд.
Дар гурӯҳи “K” Португалия яке аз пуриқтидортарин бозиҳои даври дуюмро нишон дод. Португалиҳо Узбекистонро бо ҳисоби бузурги 5 бар 0 мағлуб карданд. Барои мунтахаби Узбекистон ин шикасти вазнин буд. Дар бозии дигар Колумбия бар Ҷумҳурии Демократии Конго бо ҳисоби 1-0 дастболо шуд.
Дар гурӯҳи “L” бошад, Англия ғайриинтизор баробари Гана мусовии 0:0 анҷом дод. Аммо Хорватия тавонист Панамаро бо ҳисоби 1 бар 0 мағлуб намояд.
Дар феҳристи беҳтарин нишонзанҳо низ рақобат шадид аст. То имрӯз Лионел Месси, Килиан Мбаппе ва Эрлинг Ҳоланд аз ҷумлаи пешсафон ба шумор мераванд. Ҳамчунин, Ҳарри Кейн, Криштиану Роналду ва чанд ситораи дигар низ дар муборизаанд.
Дар маҷмӯъ, баъди ду давр аллакай чанд тамоюли ҷолиб мушоҳида мешавад: фаворитҳои асосӣ Аргентина, Фаронса, Олмон, Португалия ва Бразилия тадриҷан ба авҷи омодагии худ мерасанд. Дар баробари ин, тимҳои ғайрифаворит, ба мисли Кабо-Верде, Марокаш ва Канада нишон медиҳанд, ки дар футболи муосир дигар рақиби осон вуҷуд надорад. Акнун тамоми таваҷҷуҳ ба даври сеюми марҳилаи гурӯҳӣ равона шудааст, давре, ки сарнавишти аксари гурӯҳҳо ва соҳибони роҳхат ба марҳилаи плей-оффро ниҳоӣ хоҳад кард.
Яҳё МАҲМАДНАБИЕВ, “ҶТ”
То имрӯз дар доираи даври дуюм 28 бозӣ баргузор гардида, дар онҳо 84 гол ба самар расидааст, ки ба ҳисоби миёна 3 гол дар ҳар бозӣ рост меояд. Ин омор нишон медиҳад, ки Ҷоми ҷаҳонии имсола аз лиҳози самаранокӣ яке аз пурголтарин мусобиқот дар солҳои охир ба ҳисоб меравад.
Дар гурӯҳи “А” мунтахаби Мексика мавқеи пешсафии худро мустаҳкам кард. Мексика баъди пирӯзӣ бар Кореяи Ҷанубӣ бо ҳисоби 1 бар 0 шаш имтиёз ба даст оварда, ба марҳилаи баъдӣ роҳ ёфт. Дар бозии дигари гурӯҳ Чехия ва Африқои Ҷанубӣ мусовии 1:1 карданд, ки вазъи гурӯҳро боз ҳам печидатар намуд.
Дар гурӯҳи “В” яке аз бузургтарин пирӯзиҳои даври дуюм сабт шуд. Канада бо бозии бисёр ҳамлагарона Қатарро бо ҳисоби калони 6 бар 0 шикаст дод. Ин на танҳо пирӯзии калон, балки яке аз намоишҳои рақобати серголи даври гурӯҳӣ то имрӯз ба шумор меравад. Ҳамзамон, Швейтсария Босния ва Ҳерсеговинаро 4 бар 1 мағлуб карда, барои роҳхат муборизаро идома медиҳад.
Дар гурӯҳи “С” Бразилия баъд аз мусовии даври аввал ниҳоят чеҳраи пирӯзиовари худро нишон дод. Бразилиҳо бо ҳисоби 3 бар 0 бар Ҳаитӣ ғалаба карда, ба сафи довталабони асосӣ барои унвон бори дигар ворид шуданд. Дар рақобати дигар бошад, Марокаш бо пирӯзии минималии 1 бар 0 бар Шотландия ғалаба кард.
Дар гурӯҳи “D” Иёлоти Муттаҳидаи Амрико бозии хуб нишон дода, Австралияро 2 бар 0 шикаст дод. Амрико бо ин пирӯзӣ аз дунболи Мексика роҳхат ба плей-оффро ҳал кард. Дар бозии дигар Парагвай бар Туркия бо ҳисоби 1 бар 0 дастболо шуд.
Дар гурӯҳи “Е” Олмон бори дигар қудрати худро нишон дод. Олмониҳо баъди пирӯзии бузурги 7:1 дар даври аввал, ин дафъа Кот-д’Ивуарро бо ҳисоби 2 бар 1 шикаст дода, шаш имтиёз гирифтанд. Вохӯрии Эквадор ва Кюрасао бошад, бидуни гол анҷом ёфт.
Дар гурӯҳи “F” мухлисон шоҳиди яке аз тамошобобтарин рақобатҳо гардиданд. Нидерланд бо ҳисоби калони 5 бар 1 Шветсияро мағлуб кард. Ҳамзамон, Ҷопон бо ғалабаи 4 бар 0 бар Тунис нишон дод, ки аз дастаҳои ҷиддии мусобиқот аст.
Дар гурӯҳи “G” рақобат шадид боқӣ мемонад. Белгия ва Эрон натавонистанд ҳисобро боз кунанд - 0:0. Аммо Миср бар Зеландияи Нав бо ҳисоби 3 бар 1 пирӯз шуд.
Дар гурӯҳи “H” Испания яке аз пирӯзиҳои мутмаинтарини худро ба даст овард, 4 бар 0 муқобили Арабистони Саудӣ. Дар бозии дигари гурӯҳ Уругвай ғайриинтизор бо Кабо-Верде мусовии 2:2 кард. Кабо-Верде то ин лаҳза сенсатсияи асосии мусобиқот маҳсуб мешавад.
Дар гурӯҳи “I” Фаронса бо ҳисоби 3- 0 бар Ироқ ғалаба кард. Дар бозии дигари гурӯҳ Норвегия дар рақобати пуршиддат Сенегалро 3 бар 2 шикаст дод.
Дар гурӯҳи “J” Аргентина бо пирӯзии 2-0 бар Австрия мавқеи худро мустаҳкам кард. Ҳамзамон, Алҷазоир бар Урдун бо ҳисоби 2-1 ғалаба намуд.
Дар гурӯҳи “K” Португалия яке аз пуриқтидортарин бозиҳои даври дуюмро нишон дод. Португалиҳо Узбекистонро бо ҳисоби бузурги 5 бар 0 мағлуб карданд. Барои мунтахаби Узбекистон ин шикасти вазнин буд. Дар бозии дигар Колумбия бар Ҷумҳурии Демократии Конго бо ҳисоби 1-0 дастболо шуд.
Дар гурӯҳи “L” бошад, Англия ғайриинтизор баробари Гана мусовии 0:0 анҷом дод. Аммо Хорватия тавонист Панамаро бо ҳисоби 1 бар 0 мағлуб намояд.
Дар феҳристи беҳтарин нишонзанҳо низ рақобат шадид аст. То имрӯз Лионел Месси, Килиан Мбаппе ва Эрлинг Ҳоланд аз ҷумлаи пешсафон ба шумор мераванд. Ҳамчунин, Ҳарри Кейн, Криштиану Роналду ва чанд ситораи дигар низ дар муборизаанд.
Дар маҷмӯъ, баъди ду давр аллакай чанд тамоюли ҷолиб мушоҳида мешавад: фаворитҳои асосӣ Аргентина, Фаронса, Олмон, Португалия ва Бразилия тадриҷан ба авҷи омодагии худ мерасанд. Дар баробари ин, тимҳои ғайрифаворит, ба мисли Кабо-Верде, Марокаш ва Канада нишон медиҳанд, ки дар футболи муосир дигар рақиби осон вуҷуд надорад. Акнун тамоми таваҷҷуҳ ба даври сеюми марҳилаи гурӯҳӣ равона шудааст, давре, ки сарнавишти аксари гурӯҳҳо ва соҳибони роҳхат ба марҳилаи плей-оффро ниҳоӣ хоҳад кард.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед