Бахшида ба таҷлили ҷашни Наврӯзи байналмилалӣ бо ташаббуси Раёсати кор бо ҷавонон ва варзиши вилояти Суғд мусобиқаи вилоятӣ оид ба футбол байни ҷавондухтарон барои дарёфти “Ҷоми Умед” доир гардид.

Гуфта шуд, ки мусобиқа бо мақсади тарғибу ташвиқи тарзи ҳаёти солим, оммавӣ гардонидани варзиш, мустаҳкам намудани риштаи дӯстӣ байни варзишгарон ва ҷалби наврасону ҷавонон ба варзиш мебошад.

Дар мусобиқа 6 даста аз шаҳру ноҳияҳои вилояти Суғд дар ҳайати 16 нафарӣ иштирок намуда, бо ҳам қувваозмоӣ намуданд.

Дар натиҷа, дастаи ҷавондухтарони ноҳияи Мастчоҳ сазовори ҷои 1, дастаи ММФЧВА сазовори ҷойи 2 ва дастаи шаҳри Конибодом сазовори ҷойи 3 гардида, ғолибон бо медалу сипоснома ва туҳфаҳои хотиравӣ қадрдонӣ шуданд.