Дар натиҷаи зилзилаи сахт дар шимолу ғарби Покистон як кас ҳалок ва даҳҳо нафар маҷруҳ шудаанд, хабар медиҳанд мақомоти покистонӣ.

Заминҷунбӣ бо шиддати 6,6 дараҷа дирӯз дар шимолу шарқи Афғонистон, ки бо Тоҷикистон ҳаммарз аст, рух додааст. Зилзиларо дар бархе аз шаҳрҳои Осиёи Ҷанубӣ, аз ҷумла дар Кобул, Исломобод, Лоҳур, Деҳлӣ ва Душанбе эҳсос карданд.

Иттилоъ дар бораи харобиҳои зиёд то ҳол нарасидааст. Сухангӯи ниҳоди бартарафсозии оқибатҳои офатҳои табиии Покистон гуфт, ки хатари ярч ё лағзиши замин вуҷуд дорад.

Моҳи октябри соли гузашта дар зилзилаи 7,5-дараҷаӣ дар ҳамин минтақа дар кӯҳсори Ҳиндукуш қариб 300 нафар ҷон бохтанд.