ФАРҲАНГ
Чоршанбе 26 Июн 2019 01:19
5683
Дар Донишкадаи давлатии фарҳанг ва санъати Тоҷикистон ба номи Мирзо Турсунзода Фестивали анъанавии ҷумҳуриявии “Ҳафтаи китоби кӯдакону наврасони Тоҷикистон” таҳти унвони “Кашшофи падидаҳои наврас” ҷамъбаст гардид.

Дар маросими ҷамъбасти фестивали мазкур вазири фарҳанги Ҷумҳурии Тоҷикистон Шамсиддин Орумбекзода, ректори Донишкадаи давлатии фарҳанг ва санъати Тоҷикистон ба номи Мирзо Турсунзода Хайриддин Идиев ва аҳли илму адаб иштирок намуданд.

Вазири фарҳанги ҷумҳурӣ иброз намуд, ки пешрафту тараққиёти ҳар як кишвар аз насли ҷавону бомаърифати ӯ вобастагӣ дорад.  Аз ин рӯ Ҳукумати кишвар ба ин соҳа таваҷҷуҳи махсус равона кардааст:

“Китобхона хазинаи бузурги фарҳангу маънавиёт ва китоб  ганҷинаи бебаҳо дар зиндагии инсонҳост. Дӯсти беғаразу раҳнамо дар ҳама лаҳзаҳову давраҳои ҳаёт, шиноснома ва муаррифи халқу миллатҳо дар арсаи олам аст. Мардуми дунё маҳз бо шарофати китоб, осори гаронбаҳояшон, дар байни дигар қавму миллатҳо шуҳрату маҳбубият пайдо мекунанд,” - зикр намуд Шамсиддин Орумбекзода.

Дар ин фестивал ҳамарӯза намоиши китобҳои тозанашр, вохӯриҳо бо адибон, маҳфилҳои гуногуни адабӣ ва ҳунарӣ, барномаҳои ҷолиби консертӣ, ташкили Озмуни расмҳо аз рӯи асарҳои кӯдакона “Китобчаи дӯстдоштаи ман”, Озмуни хабарнигорон барои беҳтарин инъикоси таҷрибаи коллективҳои меҳнатӣ оид ба тарғиби китоб ва рушди хониш дар ВАО, сабқатҳои “Фурӯхташавандатарин китоб”, “Фаъолтарин хонандаи ҷавон”, “Машҳуртарин нависандаи кӯдакон”, Озмуни ровиёни ҷавон баргузор гардиданд.

Зимни ҷамъбаст дар бахши “Фаъолтарин хонанда” ҷои якум насиби  хонандаи синфи 2-и Мактаб-гимназияи №2-и барои хонандагони болаёқати ш.Душанбе Фархунда Авғонова гардида, ҷои дуюм ба хонандаи  МТМУ №11-и н.И.Сомонӣ  Достон Иксанов  ва ҷои сеюм ба хонандаи синфи 6 МТМУ №6-и шаҳри Бохтар Достони Рустам сазовор дониста шуд.

Инчунин дар бахши хабарнигорон барои беҳтарин инъикоси таҷрибаи коллективҳои меҳнатӣ оид ба тарғиби китоб ва рушди хониш дар ВАО ҷои якумро хонандаи синфи 5 МТМУ №6-и ш.Хуҷанд Санъатхон Мирзоева, ҷои дуюм хонандаи синфи 8 МТМУ №11-и н.И.Сомонӣ Садафмо Азимова ва ҷои сеюмро хонандаи синфи 7 МТМУ №14-и н.Шаҳринав Амирҳамза Абдуллоев сазовор гардиданд.

Дар бахши Озмуни ровиёни ҷавон ҷои аввалро хонандаи МТМУ №1-и н.Файзобод Шодмеҳр Давлатзода, ҷои дуюмро хонандаи синфи 10 МТМУ №5-и ш.Кӯлоб Саодати Бахтиёр ва ҷои сеюмро хонандаи синфи 10 МТМУ №1-и н.Лахш Шабнам Қосимова мушарраф гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.