Бо ҳадафи ҷалби насли наврас ба китобхонӣ, баланд бардоштани сатҳи ҷаҳонбинии кӯдакон, тарбияи онҳо дар рӯҳияи ватандӯтию ифтихори миллӣ ва арҷгузорӣ ба арзишҳои умумибашарӣ дар ноҳияи Рӯшони Вилояти Мухтори Кӯҳистони Бадахшон Фестивали "Ҳафтаи намоиши китобҳои бачагона" доир шуд.

Тавре аз Мактаб - интернати ҷумҳуриявии ба номи Додихудо Карамшоеви ноҳия иттилоъ доданд, фестивал ба ифтихори 30-солагии Истиқлолияти давлатии Ҷумҳурии Тоҷикистон дар сатҳи баланд гузаронида шуда, дар он наврасону кӯдакон ғайр аз муаррифии китобҳои гуногун, ашъори баландмазмунро қироат намуданд.

Инчунин дар пояи фестивал чорабиниҳои гуногун дар китобхонаҳои бачагонаи маркази ноҳия ва шаҳри Хоруғ ба номи Ҳофизи Шерозӣ гузашта, дар онҳо мактаббачагону наврасон маҳорату истеъдоди худро нишон доданд.