13 июл, дар доираи сафари корӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода аз намоиши ҳунармандони ҷавони ноҳияи Кӯҳистони Мастчоҳ дидан намуд. 

Зимни боздид аз намоишгоҳ иттилоъ дода шуд, ки мардуми ноҳия ба ҳунарҳои мардумӣ таваҷҷуҳи хоса дошта, бо мақсади рушди ҳунарҳои мардумӣ як қатор тадбирҳои саривақтӣ роҳандозӣ карда шудааст. 

Таъкид гардид, ки ҷавонони ноҳияи Кӯҳистони Мастчоҳ бо мақсади рушди ҳунарҳои мардумӣ дар доираи “Барномаи миллии рушди иҷтимоии ҷавонон барои солҳои 2019-2021” дастгирӣ ёфта, аз оғози моҳи сентябр барои ҷавондухтарони ноҳия курсҳои кутоҳмуддати ройгони дузандагӣ ба роҳ монда мешавад.

Ҷавонони ноҳия аз иқдоми мазкур хуш истиқбол намуда, миннатдории худро ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баён намуданд.