Санаи 4-уми август дар Китобхонаи миллии Тоҷикистон бахшида ба ҷашни 25-умин солгарди Истиқлолияти давлатии ҷумҳурӣ маҳфили адабии «Дар суҳбати адиб» бо иштироки нависанда Абдулҳамид Самад зери унвони «Истиқлолият ва дастовардҳои он» доир гардид.

Директори китобхона профессор Сайфиддин Назарзода аз фаъолият ва эҷодиёти нависандаи маҳбуби мо Абдулҳамид Самад ёдовар шуда, қайд намуд, ки эҷодиёти адиб ниёзҳои ҷомеаи мост ва асарҳои чанд соли охир навиштааш дар шинохти истиқлолият, таҳкими сулҳу субот дар кишвар хизмати шоиста кардаанд.

Дар чорабинӣ беш аз 100 нафар ҷавони болаёқати кишвар ва кормандони Китобхонаи миллии Тоҷикистон ширкат варзиданд. Дар охир миёни иштирокчиён ва меҳмонони маҳфил суолу ҷавоб ва андешарониҳои судманд сурат гирифт.