Дар Вазорати фарҳанг нархномаи мавҷудаи ҳаққи қалами эҷодкорон бознигарӣ шуда, дар доираи маблағҳои буҷетии барои соли 2024 ҷудошуда андозаи подошҳо зиёд карда шуд.

Дар ин бора Матлубахон Сатториён, вазири фарҳанги Ҷумҳурии Тоҷикистон 29 феврал зимни як мулоқот бо аҳли зиёи кишвар иттилоъ дод.

Ба гуфтаи вазир “яке аз омилҳои тақвияти ҳамкорӣ миёни вазорат бо эҷодкорон ҳавасмандсозии онҳо тавассути пардохти ҳаққи қалами муносиб ба муаллифон мебошад”.

Гуфта шуд, ки бо дарназардшоти вазъи воқеии бозор дар солҳои оянда низ масъалаи пардохти ҳаққи қалам ба муаллифон таҷдиди назар хоҳад шуд.

- Вазорати фарҳанг омода аст, ҷиҳати ҳавасмандии бештари адибон шеърҳо ва асарҳои пурмазмунро барои ворид намудан ба барномаҳои фарҳангии соли равон пешакӣ харидорӣ намояд,- гуфт Матлуба Сатториён.

Сайёраи ҚИЁМИДДИН, “ҶТ”