Дар толори Қасри маданияти шаҳри Бӯстон бо иштироки зиёда аз 60 нафар занону духтарон фестивал-озмуни “Либосҳои миллӣ” баргузор гардид.

Иштирокчиён дар 4 шарт - либосҳои кӯдакона, рӯзмарра, қадима ва идона маҳсули дасти худро намоиш доданд.

Дар интиҳо ба ғолибон ифтихорнома ва туҳфаҳои хотиравии мақомоти иҷроияи ҳокимияти давлатии шаҳри Бӯстон тақдим карда шуд.

Баргузории чунин фестивал-озмун тибқи қарори раиси вилояти Суғд дар тамоми шаҳру навоҳии вилоят идома дошта, ғолибон дар фестивали вилоятии “Либосҳои миллӣ” ширкат хоҳанд кард.