Имрӯз, 3-юми апрел, бахшида ба 25-солагии Истиқлолияти давлатии Тоҷикистон силсила-чорабиниҳои фарҳангӣ дар Боғи “Ирам”-и шаҳри Душанбе оғоз гардид. 

Дар он намояндагони Дастгоҳи иҷроияи Президенти ҷумҳурӣ, роҳбарияти Вазорати фарҳанг, Кумитаи ҷавонон, варзиш ва сайёҳӣ, Кумитаи кор бо занон ва оила ва Мақомоти иҷроияи ҳокимияти давлатии шаҳри Турсунзода ва сокинону меҳмонони пойтахт ширкат намуданд. 

Дар баробари чорабинии фарҳангӣ-фароғатӣ, инчунин гӯшаҳои туристӣ барои дӯстдорони сайру саёҳат ва намоиши маҳсулоти ҳунармандони ҷумҳурӣ, аз ҷумла армуғон барои сайёҳон ба намоиш гузошта шуд.

  

Ҳунармандони шаҳри Турсунзода бо намоиши театрӣ хотири тамошобинонро болида гардониданд.

Чунин чорабиниҳо ҳар ҳафта рӯзҳои шанбе ва якшанбе то охири сол доир мегарданд. 

Шералӣ ҶАЛОЛОВ, “ҶТ”