Бо ширкати вазири энергетика ва захираҳои оби Ҷумҳурии Тоҷикистон Усмонзода Усмоналӣ ва раиси ноҳияи Роштқалъа Юсуф Султонноёбов бахшида ба Рӯзи Истиқлолияти давлатии кишвар дар мавзеи Медони ноҳия чорабинии фарҳангӣ баргузор гашт.

Мудири Бахши кор бо ҷавонон ва варзиши ноҳия Зуҳро Муллоҳукматова гуфт, ки баъди баромади табрикотии роҳбарияти ноҳия ва вазир, санъаткорону ҳунармандони ҷавон беҳтарин барномаи ҳунариро пешкаши иштирокдорон карданд.

Ҳамчунин аз тарафи муҳассилинии МТМУ-и №26 шеъру ғазалҳо дар васфи истиқлолияту ваҳдат ва Ватан - модар қироат карда шуд.