Дар бораи нафароне, ки ҳангоми ҳимояи марзу буми кишвар, аз ҷумла дар марзи Тоҷикистону Қирғизистон ҷон супурдаанд, филм офарида шудааст.

Дар ин бора Маҳмадсаид Шоҳиён, директори Муассисаи давлатии “Тоҷикфилм” 9 феврал иттилоъ дод.

-Филм “Шараф” номгузорӣ шуда, муаллифи он Шаҳбози Аброр мебошад. Филми мазкур дар бораи 16 нафар ҷонсупурдагони Ватан бо факту далелҳо офарида шудааст. Вақти филм як соату даҳ дақиқаро дар бар мегирад, - гуфт М. Шоҳиён.

Ба таъкиди номбурда филми мазкур рӯзҳои наздик тариқи телевизионҳои кишвар пешниҳоди тамошобинон гардонида мешавад.

Т. ЮСУФӢ, “ҶТ”