ФАРҲАНГ
Душанбе 24 Сентябр 2018 06:13
688

Қаламбадастони арҷманд!
Рӯзноманигорони азиз!
Ифтихормандам, ки Шуморо ба муносибати иди касбиатон, ки ба баҳори нозанин рост омадааст, самимона таҳният мегӯям.

Дар тамоми давру замон мақом ва нақши рӯзноманигорон ҷойгоҳи хосаеро дар байни ҷомеа, алалхусус наврасону ҷавонон вобаста ба интишор намудани хабар ва маводҳои таҳлилие, ки боиси баланд гардидани маърифатнокию маълумотнокии онҳо мегардид, соҳиб буд.  Бо пешрафти илму техника ва васеъ гардидани имкониятҳо дастрасии ҷомеа ба иттилоот рӯз то рӯз васеъ гардида истодааст, ки ин барои роҳ ёфтани эҳтирому манзалати рӯзноманигор аз ҷониби хонанда ва барои дарёфт намудани хонандаи худ як саҳифаи наверо боз намуд. Рӯзноманигорони асиле, ки дар давраи фаъолияти шахсӣ барои манфиати ҷомеа, давлат ва миллати худ саҳми муносибе гузоштааст то кунун дар саҳифаҳои таърих номи ӯ вирди забонҳост.

Килкбадастони азиз!
Кумитаи ҷавонон, варзиш ва сайёҳӣ ҳамчун пешбарандаи сиёсати се самти муҳими ҳаётии ҷавонон, варзишгарон ва сайёҳон аз рӯзҳои аввали фаъолияташ бо такя аз маҳорату малака ва муносибатҳои беғаразонаи рӯзноманигорон ҷиҳати инъикоси фаъолият фазои муносиберо барои ҳамкорӣ бо онҳо муҳаё намудааст, ки аз он то ба имрӯз боиси қаноатмандист.
Ҳамзамон, Кумита барои ҳавасмандгардонии рӯзноманигорон ва устувор гардонидани робитаи ҳамкорӣ Ҷоизаи Кумитаро дар соҳаи адабиёт, рӯзноманигорӣ, санъат, барномасозӣ ва меъморӣ ба роҳ мондааст, ки то имрӯз даҳҳо рӯзноманигорони ҷавон сазовори ин ҷоиза гардидаанд. Дар ин баробар ҳамасола чандин чорабинӣ ва барномаҳо, аз ҷумла мусобиқаҳои варзишӣ байни воситаҳои ахбори омма амалӣ мегардонад.

Воқеан дар даврони истиқлолият нақши матбуот дар тарғибу ташвиқи дастовардҳои 25 сола ва тарбияи наврасону ҷавонон дар рӯҳияи ватанпарастию меҳандӯстӣ калон аст. Рӯзноманигорон бо қалами бурро ва созандаи худ дар пешрафту шукуфои кишвари азизамон саҳми муносиб гузошта, баҳри пойдории сулҳу субот ва арзиши Истиқлолият матлабҳои сершумор ба табъ мерасонанд. Бошад, ки ин анъанаи наку давомдор ва ба нафъи миллату ҷомеаи тоҷик бошад.

Рӯзноманигорони азиз!
Бори дигар ҳамаи Шуморо ба муносибати иди касбиатон - Рӯзи матбуот табрику таҳният гуфта, ба Шумо қабл аз ҳама қалами буррою созанда ва дар фаъолияти минбаъдаатон барору муваффақият хоҳонам.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сентябр 2018 c.