Тоҷикдухтар Шаҳноз Эроншоҳ ба даври ниҳоии озмуни "Мисс СММ-2016" роҳ ёфтааст. Вай дар ин озмун аз номи Тоҷикистон баромад мекунад.

Натиҷаҳои озмун, ки дар шаҳри Ню-Йорки ШМА ҷараён дорад, 12 август маълум мегардад. Озмун ҳар сол бо иштироки намояндагони кишварҳо ва фарҳангҳои мухталиф баргузор мешавад. Шаҳноз дар ШМА истиқомат мекунад. Вай Коллеҷи шаҳри Ню-Йоркро бо ихтисоси санъати бадеӣ хатм кардааст.

Шаҳноз зодаи шаҳри Душанбе буда, бо аҳли хонаводааш дар дусолагӣ ба Русия кӯчид ва то 18-солагӣ он ҷо зиндагӣ кард. Акнун дар ШМА умр ба сар мебарад. Зимнан, соли 2011 намояндаи Тоҷикистон Нилуфар Шерзод тоҷи ин озмунро ба сар ниҳода буд.